Foton on ads news final
Cct850x100 1
Cc time 1800 x 300
San house

ជប៉ុនផ្ដល់ជំនួយអភិវឌ្ឍន៍ជាង ៣០០លានដុល្លារដល់កម្ពុជា

សេដ្ឋកិច្ច
/
អ្នកយកព័ត៌មាន:
ស៊ីស៊ីថាមស៍
/

ភ្នំពេញ៖ រាជរដ្ឋាភិបាលកម្ពុជា ដែលតំណាងដោយ សម្តេច ហ៊ុន សែន នៅព្រឹកថ្ងៃទី២៤ ខែមីនានេះ បានអញ្ជើញចូលរួមជាអធិបតីក្នុងពិធីចុះហត្ថលេខាលើលិខិតប្តូរសារស្តីពីការផ្តល់ជំនួយអភិវឌ្ឍន៍ផ្លូវការជប៉ុន ដែលមានទឹកប្រាក់សរុបចំនួន៣៤.១៣៨ លានយ៉េន (ប្រមាណ៣១០លានដុល្លារអាមេរិក) ជូនចំពោះរាជរដ្ឋាភិបាលកម្ពុជា។

ជំនួយអភិវឌ្ឍន៍ជាង ៣០០លានដុល្លារនេះ គឺសម្រាប់ការអនុវត្តន៍គម្រោងហិរញ្ញប្បទានឥតសំណងចំនួន៣គម្រោង និង ឥណទានសម្បទានចំនួន២គម្រោង។

គម្រោងចំនួន៣ ដែលទទួលបានជំនួយហិរញ្ញប្បទានឥតសំណងរួមមាន៖ ទី១៖ គម្រោងការពង្រីកប្រព័ន្ធផ្គត់ផ្គង់ទឹកស្អាត ក្នុងក្រុងតាខ្មៅ ដែលមានទឹកប្រាក់ចំនួន ៣,៤២១លានយ៉េន (ប្រមាណ៣១លានដុល្លារអាមេរិក), ទី២៖ គម្រោងសមាហរណកម្មការបោសសម្អាតមីន និងសង្គ្រោះជនពិការដោយសារមីន ដែលមានទឹកប្រាក់ចំនួន ១,០០០លានយ៉េន (ប្រមាណ ៩លានដុល្លារអាមេរិក) និង ទី៣៖ គម្រោងកម្មវិធីអភិវឌ្ឍន៍សេដ្ឋកិច្ច និងសង្គម ដែលមានទឹកប្រាក់ចំនួន ៣០០លានយ៉េន (ប្រមាណ២,៧លានដុល្លារអាមេរិក)។

ចំណែក គម្រោងចំនួន២ ដែលទទួលបានឥណទានសម្បទានរួមមាន៖ ទី១៖ គម្រោងធ្វើឱ្យប្រសើរនូវផ្លូវជាតិលេខ៥ ដំណាក់កាលទី២ (ធ្លាម្អម-បាត់ដំបង និងសិរីសោភ័ណ្ឌ-ប៉ោយប៉ែត) ដែលមានទឹកប្រាក់ ១៧.៧០២ លានយ៉េន (ប្រមាណ ១៦១លានដុល្លារអាមេរិក)។ ទី២៖ គម្រោងធ្វើឱ្យប្រសើរនូវផ្លូវជាតិលេខ៥ ដំណាក់កាលទី៣ (ព្រែកក្តាម-ធ្លាម្អម) ដែលមានទឹកប្រាក់ ១១.៧១៥លានយ៉េន (ប្រមាណ១០៦,៥ លានដុល្លារអាមេរិក)៕

ពាក្យទាក់ទង: កម្ពុជា ជប៉ុន
Khcct banner

អត្ថបទទាក់ទង