Cct850x100 1

អ្នកពាក់ព័ន្ធនឹង​ «សាខាក្រុមហ៊ុនZTO នៅខណ្ឌដូនពេញ»សូមតាមដានសុខភាព

សង្គម
/
អ្នកយកព័ត៌មាន:
ស៊ីស៊ីថាមស៍
/

ភ្នំពេញ៖ យោងតាមការប្រកាសរបស់អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី១៣ ខែឧសភា នេះ បានជូនដំណឹងថា អ្នកជំងឺកូវីដ១៩​​ ធ្លាប់ទៅទីតាំង«សាខាក្រុមហ៊ុន ZTO EXPRESS នៅខណ្ឌដូនពេញ» ដែលមានទីតាំងនៅផ្ទះលេខ២០ ​ផ្លូវលេខ៥៤ ​សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ហើយអ្នកប៉ះពាល់មនុស្សចំនួន ១៧នាក់នៅក្នុងក្រុមហ៊ុន ដោយផ្ទាល់ និងប្រយោល នៅមិនទាន់បានទៅយកសំណាកនៅឡើយទេ។ ហេតុនេះ អ្នកដែលពាក់ព័ន្ធនឹងករណីនេះ ចាប់ពីថ្ងៃទី១០ ឧសភា ដល់ថ្ងៃទី១៤ ខែឧសភា ឆ្នាំ២០២១ សូមដាក់ខ្លួនដាច់ដោយឡែក និង«តាមដានសុខភាព» រយៈពេល ១៤ថ្ងៃ ហើយបើមានរោគសញ្ញាគួរសង្ស័យ សូមមេត្តាប្រញាប់ទៅយកសំណាកធ្វើតេស្តរកកូវីដនៅមន្ទីរពេទ្យ។

ហេតុនេះ អាជ្ញាធរ បានអំពាវនាវដល់ប្រជាពលរដ្ឋ បន្តពាក់ម៉ាស់ពេលចេញក្រៅ​ រក្សាគម្លាត ឧស្សាហ៍លាងដៃជាមួយសាប៊ូ ឬអាល់កុល និងសូមអំពាវនាវប្រជាពលរដ្ឋធ្លាប់ទៅទីតាំង«សាខាក្រុមហ៊ុន ZTO EXPRESS នៅខណ្ឌដូនពេញ» ចាប់ពីថ្ងៃទី១០ ឧសភា ដល់ថ្ងៃទី១៤ ខែឧសភា ឆ្នាំ២០២១ សូមដាក់ខ្លួនដាច់ដោយឡែក និងយកចិត្តទុកដាក់«តាមដានសុខភាព»របស់ខ្លួនរយៈពេល ១៤ ថ្ងៃ។ 

ក្នុងករណីមានរោគសញ្ញា នៃសុខភាពប្រែប្រួលផ្សេងៗ ដូចជា គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ទៅធ្វេីតេស្តរកមេរោគ និងសូមអញ្ជើញទៅតេស្តកូវីដនៅមន្ទីរពេទ្យដែលនៅជិតបំផុតដូចជា នៅវិទ្យាល័យបាក់ទូក ឬវិទ្យាល័យបឹងត្របែក ឬមណ្ឌលសុខភាពចាក់អង្រែក្រោម ឬមន្ទីរពេទ្យខ្មែរសូវៀត សាលាបឋមសិក្សា«សុភមង្គល» (ក្រោយផ្សារស៊ិន ជូរី បណ្តោះអាសន្ន), វិហារព្រះយ៉េស៊ូ ច្រមុះជ្រូកស្ទឹងមានជ័យ, ផ្លូវ ឌួងងៀប ជិតរោងចក្រ ឌីនហាន, ដីឡូត៍ ខាងក្រោយផ្សារឯករាជ្យ៣, មណ្ឌលថែទាំជីវិត (ទីតាំងចាក់សំរាមចាស់ ស្ទឹងមានជ័យ) និងមន្ទីរពេទ្យបង្អែកនៅតាមបណ្តាខេត្តនានា ឱ្យបានលឿនតាមដែលអាចធ្វើបាន ហើយសម្រាប់ពត៌មា​នបន្ថែម សូមទាក់ទងលេខ ១១៥។

គួររំលឹកថា អ្នកដែលស្ម័គ្រចិត្តទៅធ្វើតេស្ត សូមកុំភ្លេច​ភ្ជាប់អត្តសញ្ញាណបណ្ឌផ្ទាល់ខ្លួនទៅជាមួយផង និងពាក់ម៉ាសជាប្រចាំ បន្ទាប់ពីអញ្ជើញទៅធ្វើតេស្តសុខភាពរួចរាល់ហើយ សូមបន្តធ្វើការផ្ដាច់ខ្លួនឱ្យនៅដាច់ដោយឡែករយៈពេល១៤ថ្ងៃបន្តទៀត ដើម្បីទប់ស្កាត់ការរីករាលនៃជំងឺកូវីដ១៩ ដើម្បីខ្លួនឯង គ្រួសារ និងសង្គមជាតិទាំងមូល៕

អ្នកជំងឺកូវីដ១៩​​ បានធ្លាប់ទៅទីតាំង «សាខាក្រុមហ៊ុន ZTO EXPRESS នៅខណ្ឌដូនពេញ» ដែលមានទីតាំងនៅផ្ទះលេខ២០ ​ផ្លូវលេខ៥៤ ​សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ចាប់ពីថ្ងៃទី១០ ឧសភា ដល់ថ្ងៃទី១៤ ខែឧសភា ឆ្នាំ២០២១ ហើយអ្នកប៉ះពាល់មនុស្សចំនួន ១៧នាក់នៅក្នុងក្រុមហ៊ុន ដោយផ្ទាល់ និងប្រយោល នៅមិនទាន់បានទៅយកសំណាកនៅឡើយទេ។

(ប្រភព៖ អនុគណៈកម្មការស្រាវជ្រាវជំងឺកូវីដ-១៩)

- ចង់បានព័ត៌មានបន្ថែម Telegram ស៊ីស៊ីថាមស៍ សូមចុច៖ https://t.me/cctimeskh

 

ពាក្យទាក់ទង: កូវីដ
Khcct banner

អត្ថបទទាក់ទង