Cct850x100 1
1800px x h300px kh

ចិននិងវៀតណាមបានប្រលែងត្រីនិងបង្គាចំនួន ៥៦ លានក្បាលចូលទៅក្នុងសមុទ្រ

អន្តរជាតិ
/
អ្នកយកព័ត៌មាន:
លី ម៉ាលីង
/

ចិននិងវៀតណាម៖ អ្នកតំណាងមកពីប្រទេសចិននិងវៀតណាមកាលពីថ្ងៃច័ន្ទ បានរួមគ្នាធ្វើការដោះត្រីនិងបង្គាជិត ៥៦ លានក្បាលទៅក្នុងឈូងសមុទ្រ Beibu ដែលជាកន្លែងនេសាទទូទៅរបស់អ្នកនេសាទចិននិងវៀតណាមដើម្បីជំរុញការអភិវឌ្ឍជលផលនៅក្នុងតំបន់។

ប្រភេទសត្វចិញ្ចឹមជាច្រើនប្រភេទត្រូវបានគេប្រលែងទៅក្នុងទឹកនៃឈូងសមុទ្រក្បែរទន្លេ Beilun ក្នុងទីក្រុង Dongxing តំបន់ស្វយ័ត Guangxi Zhuang ប្រទេសចិន។ យោងតាមអាជ្ញាធរកសិកម្មបានឱ្យដឹងថា ការប្រលែងនេះ ត្រូវបានធ្វើឡើងនៅវេលាម៉ោង ១៦ និង ៣០ នាទី នៅឯឈូងសមុទ្រដែលមានរយៈកម្ពស់ខ្ពស់ដើម្បីបង្កើនអត្រារស់រាន។

ចាប់តាំងពីឆ្នាំ ២០១៧ មកចិននិងវៀតណាមបានរួមគ្នាធ្វើព្រឹត្តិការណ៍ស្រដៀងគ្នាចំនួន ៣ នៅឈូងសមុទ្រ Beibu ។ យោងតាមស្ថិតិក្នុងកំឡុងពេលផែនការ ៥ ឆ្នាំលើកទី ១៣ (២០១៦-២០២០) តំបន់ស្វយ័ត Guangxi Zhuang ភាគខាងត្បូងប្រទេសចិន ខេត្ត Guangdong និង ខេត្ត Hainan បានប្រលែងប្រភេទសត្វសមុទ្រជាង ៣ ពាន់លានប្រភេទ ចូលទៅក្នុងឈូងសមុទ្រ។

ប្រទេសចិននិងវៀតណាមបានចុះហត្ថលេខាលើកិច្ចព្រមព្រៀងស្តីពីការបោះបង្គោលនៅឈូងសមុទ្រ Beibu និងកិច្ចសហប្រតិបត្តិការលើការនេសាទនៅឆ្នាំ ២០០០ ៕

Khcct banner

អត្ថបទទាក់ទង