Cct850x100 1
1800px x h300px kh

BREAKING៖កម្ពុជារកឃើញករណីឆ្លងកូវីដថ្មីចំនួន ៤៣១នាក់ និងជាសះស្បើយ ៣១នាក់

ព័ត៌មានជាតិ
/
អ្នកយកព័ត៌មាន:
ឌី ចិន្ដា
/

ភ្នំពេញ៖ ក្រសួងសុខាភិបាលកម្ពុជា នៅថ្ងៃទី២០ ខែមេសា ឆ្នាំ២០២១ នេះ បានចេញសេចក្តីប្រកាសព័ត៌មានពីការរកឃើញអ្នកឆ្លងជំងឺកូវីដ-១៩ ថ្មីចំនួន ៤៣១នាក់បន្ថែមទៀត ក្នុងនោះមាន ៤២៩នាក់បានជាប់ពាក់ព័ន្ធនឹង «ព្រឹត្តិការណ៍សហគមន៍២០កុម្ភៈ» និងជាសះស្បើយចំនួន ៣១នាក់ផងដែរ។

ក្នុងចំណោមអ្នកឆ្លងកូវីដថ្មីទាំង ៤៣១នាក់ខាងលើ មានអ្នកជំងឺជំងឺ ២នាក់ជាជនជាតិចិន និងជនជាតិឥណ្ឌូនេស៊ី ធ្វើដំណើរចូលកម្ពុជា ចំណែកអ្នកជំងឺទាំង ៤២៩នាក់ទៀត ជាករណីឆ្លងក្នុង«ព្រឹត្តិការណ៍សហគមន៍២០កុម្ភៈ» នៅរាជធានីភ្នំពេញមានអ្នកឆ្លងកូវីដចំនួនច្រើនជាងគេ មានចំនួនអ្នកឆ្លងរហូតទៅដល់ ២៧១នាក់ ហើយខេត្តព្រះសីហនុ ១៣៣នាក់, ខេត្តកណ្ដាល ១០នាក់, ខេត្តកំពង់ចាម ០៤នាក់ , ខេត្តតាកែវ ០៤នាក់, ខេត្តព្រៃវែង ០២នាក់, ខេត្តត្បូងឃ្មុំ ០១នាក់ , ខេត្តស្វាយរៀង ០១នាក់ , ខេត្តកំពង់ឆ្នាំង ០១នាក់ ,  ខេត្តកំពង់ធំ ០១នាក់ និងខេត្តកំពត ០១នាក់។

គួរបញ្ជាក់ថា គិតត្រឹមព្រឹកម៉ោង៧ និង០០នាទី ថ្ងៃទី២០ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ៧៤៤៤នាក់ ជាសះស្បើយចំនួន ២៥៥៥នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ៤៨៣៥នាក់ ហើយករណីស្លាប់ ៤៩នាក់៕


Khcct banner

អត្ថបទទាក់ទង