Cct850x100 1
1800px x h300px kh

លោក«ម៉ៅ អាយុទ្ធ»រដ្ឋលេខាធិការក្រសួងព័ត៌មានទទួលមរណភាពក្នុង«វ័យ៧៧ឆ្នាំ»ដោយសារជំងឺកូវីដ

សង្គម
/
អ្នកយកព័ត៌មាន:
ស៊ីស៊ីថាមស៍
/
លោក ម៉ៅ អាយុទ្ធ រដ្ឋលេខាធិការក្រសួងព័ត៌មាន បានទទួលមរណភាពដោយសារជំងឺកូវីដ-១៩ 

ភ្នំពេញ៖ លោក ម៉ៅ អាយុទ្ធ រដ្ឋលេខាធិការ ក្រសួងព័ត៌មាន បានទទួលមរណភាព នៅមន្ទីរពេទ្យមិត្តភាពខ្មែរ-សូវៀត នៅវេលាម៉ោងប្រមាណ ៦ និង០០នាទីល្ងាច ថ្ងៃទី១៥ ខែមេសា ឆ្នាំ២០២១នេះ ដោយសារជំងឺកូវីដ-១៩ ក្នុងវ័យ ៧៧ឆ្នាំ។ យោងតាម អគ្គនាយក នៃអគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន លោក ផុស សុវណ្ណ បានបញ្ជាក់ប្រាប់បណ្តាញព័ត៌មាន Fresh News នៅមុននេះបន្តិច។

រដ្ឋលេខាធិការ ក្រសួងព័ត៌មានដែលបានទទួលមរណភាពនៅល្ងាចថ្ងៃទី១៥ មេសា នេះ មានអាយុ ៧៧ឆ្នាំ រស់នៅភូមិ០៧ សង្កាត់បឹងរាំង ខណ្ឌដូនពេញ រាជធានីភ្នំពេញ។ លោក ត្រូវបានរកឃើញថា ខ្លួនមានវិជ្ជមានកូវីដ-១៩ ពាក់ព័ន្ធនឹង«ព្រឹត្តិការណ៍សហគមន៍២០កុម្ភៈ» និងបានចូលសម្រាកនៅមន្ទីរពេទ្យមិត្តភាពខ្មែរសូវៀត កាលពីថ្ងៃទី០៥ ខែមេសា ឆ្នាំ២០២១កន្លងទៅ។ 

គួររំលឹកថា លោក ម៉ៅ អាយុទ្ធ ត្រូវបានសាធារណជន បានស្គាល់ថា លោកជាមន្រ្តីជាន់ខ្ពស់ម្នាក់ និងជាផលិតករភាពយន្តដ៏ល្បីល្បាញមួយរូបផងដែរ ដោយមានស្នាដៃជាច្រើនក្នុងវិស័យសិល្បៈខ្មែរ ក្នុងនោះមានស្នាដៃផលិតខ្សែភាពយន្ត ខ្សែវីដេអូចម្រៀងកាយវិការ កំណាព្យ ប្រលោមលោកជាដើម។ ដោយឡែក ខ្សែភាពយន្តដ៏ល្បី ដែលជាស្នាដៃរបស់លោក និងមានភាពល្បីល្បាញនោះ គឺរឿង «នេសាទក្រពើ» កាលពីអំឡុងឆ្នាំ២០០៣ និងរឿង «ហ្លួងព្រះស្តេចកន» កាលពីឆ្នាំ២០១៦៕


ពាក្យទាក់ទង: កូវីដ ម៉ៅ អាយុទ្ធ
Khcct banner

អត្ថបទទាក់ទង