ក្រសួងសុខាភិបាលថា មិនមានការយកលុយពីថ្លៃពិនិត្យរកជំងឺកូវីដ-១៩ឡើយ

ភ្នំពេញ៖ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល បានបញ្ជាក់ជាលើកទី៣ ថា រាល់ការធ្វើតេស្ត រកមេរោគកូវីដ១៩ គឺមិនមានការយកលុយនោះទេ តែបើមានអ្នកយក សូមរាយការណ៍ថាអ្នកណាអ្នកយក។

សូមបញ្ជាក់ថា មកទល់ពេលនេះ ក្រសួងសុខាភិបាលបានធ្វើតេស្តបានចំនួន ១១១២ករណីហើយ បូករួមទាំងអ្នកវិជ្ជមានជំងឺកូវរីដ១៩ មាន៣៥ករណី ដែលរដ្ឋាភិបាលមិនបានយកថវិកានោះទេនៅពេលមានការសង្ស័យថាមានជំងឺកូវីដ១៩នេះ ហើយមានការពិនិត្យដោយក្រុមគ្រូពេទ្យ ក្រុមឆ្លើយតបបន្ទាន់ របស់ក្រសួង និងមន្ទីរសុខាភិបាលខេត្ត៕