Cct850x100 1
1800px x h300px kh

មន្ទីរពេទ្យខ្នាតធំនគរទេពបានរៀបចំជាស្រេច ដើម្បីព្យាបាលអ្នកជំងឺកូវីដ

ព័ត៌មានជាតិ
/
អ្នកយកព័ត៌មាន:
សុវណ្ណ ស្រីពេជ្រ
/

រូបភាពបុគ្គលិកពេទ្យដែលរៀបចំការងារ (ប្រភព ឯកឧត្តម ហ៊ុន ម៉ាណែត)

ភ្នំពេញ៖ មន្ទីរពេទ្យខ្នាតធំមួយកន្លែងថ្មីទៀតបានរៀបចំរួចរាល់ជាស្ថាពររយៈតែ១៧ថ្ងៃ ដើម្បីទទួលព្យាបាលប្រជាពលរដ្ឋដែលវិជ្ជមានកូវីដ១៩ ខណៈព្រឹត្តិការណ៍២០កុម្ភៈ មានការកើនឡើងឥតស្រាកស្រាន្ត។

ការរៀបចំមន្ទីរពេទ្យបន្ទាន់នេះ គឺបន្ទាប់ពីទទួលបានបញ្ជាពីសម្ដេច ហ៊ុន សែន ឱ្យរៀបចំមន្ទីរពេទ្យខ្នាតធំថ្មីមួយកន្លែងទៀតដើម្បីត្រៀមទទួលព្យាបាលអ្នកជំងឺកូវីដ១៩ ។

បើតាមការបញ្ជាក់​ ពីឯកឧត្តម ហ៊ុន ម៉ាណែត បានឱ្យដឹងថា នាថ្ងៃ២៧ មិនា ២០២១ នេះ អតីតមន្ទីរពេទ្យស្ត្រីនគរទេព បានរៀបចំរួចរាល់និងបានចាប់ផ្ដើមទទួលព្យាបាលអ្នកជំងឺកូវីដ១៩ ដែលមន្ទីសុខាភិបាលរាជធានីភ្នំពេញបានបញ្ជូនទៅ។

ឯកឧត្តម បានអរគុណដោយស្មោះ ចំពោះការចូលរួមក្រុមការងាររៀបចំមន្ទីរពេទ្យ និងអ្នកពាក់ព័ន្ធទាំងអស់ ដែលបានធ្វើការទាំងថ្ងៃទាំងយប់ សហការគ្នាល្អក្នុងការរៀបចំហេដ្ឋារចនាសម្ព័ន្ធ បទដ្ឋានការងារ ក៏ដូចជាការហ្វឹកហ្វឺននិងបំពាក់ដល់ក្រុមគ្រូពេទ្យជួរមុខ សេវាជួរមុខ និងក្រុមការងារតាមបណ្ដាផ្នែកពាក់ព័ន្ធទាំងអស់របស់មន្ទីរពេទ្យដើម្បីដំណើរការបានក្នុងរយៈពេលដ៏ខ្លីនេះ។

សូមជម្រាបជូនថា ក្រសួងសុខាភិបាលកម្ពុជា នៅព្រឹកថ្ងៃទី២៧ ខែមីនានេះ បានចេញសេចក្តីប្រកាសព័ត៌មានបញ្ជាក់ពីការរកឃើញអ្នកឆ្លងជំងឺកូវីដ-​១៩ ថ្មីចំនួន ១៧៩នាក់បន្ថែមទៀត ក្នុងនោះមានម្នាក់ជាអ្នកដំណើរពីបរទេស និង១៧៨នាក់ទៀតសុទ្ធតែជាអ្នកឆ្លងជាប់ពាក់ព័ន្ធក្នុង«ព្រឹត្តិការណ៍សហគមន៍២០កុម្ភៈ» ដែលមានអាសយដ្ឋាននៅខេត្តព្រះសីហនុ ១៤៣នាក់ , ភ្នំពេញ ២៧ នាក់ , ខេត្តកណ្ដាល ៤នាក់ , ខេត្តព្រៃវែង ៣នាក់, ខេត្តសៀមរាប ១នាក់ ហើយនិងមានអ្នកជាសះស្បើយចំនួន ៥៨នាក់ផងដែរ។

គួរបញ្ជាក់ថា គិតត្រឹមព្រឹកថ្ងៃទី២៧ ខែមីនា​ ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ២១៤៧នាក់ ក្នុងនោះអ្នកជាសះស្បើយចំនួន ១១៣២នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ១០០៥នាក់ ហើយករណីស្លាប់ ០៨នាក់៕

រូបភាពកន្លែងសម្រាកក្នុងមន្ទីរពេទ្យដែលរៀបចំរួច (ប្រភព ឯកឧត្តម ហ៊ុន ម៉ាណែត)
រូបភាពកន្លែងសម្រាកក្នុងមន្ទីរពេទ្យដែលរៀបចំរួច (ប្រភព ឯកឧត្តម ហ៊ុន ម៉ាណែត)


Khcct banner

អត្ថបទទាក់ទង