ក្រសួងសុខាភិបាលប្រកាសបិទ KTV និងរោងភាពយន្តទាំងអស់ នៅក្នុងប្រទេសកម្ពុជា

ភ្នំពេញ៖ ក្រសួងសុខាភិបាលកម្ពុជា នៅថ្ងៃទី១៧ មីនេះ បានជូនដំណឹងដល់ក្រសួងទេសចរណ៍ និងអភិបាលខេត្តទាំងអស់នៅកម្ពុជា ស្តីពីការស្នើបិទ KTV និងរោងភាពយន្តនៅទូទាំងប្រទេសកម្ពុជា ក្នុងស្ថានភាពជំងឺកូវីដ ១៩ កំពុងរីករាលដាលជាសកល។

ការស្នើឱ្យបិទនេះ បន្ទាប់ពីក្រសួងសុខាភិបាលទទួលបានគោលការណ៍ពីសម្តេច ហ៊ុន សែន នាយករដ្ឋមន្ត្រីនៃកម្ពុជា ហើយដំណើរការបិទនេះនឹងធ្វើឡើងចាប់ពីថ្ងៃទី១៧ ខែមីនា រហូតដល់ពេលកូវីដ ១៩ មានភាពធូស្រាល៕