Cct850x100 1
1800px x h300px kh

EUព្រមានAstraZeneca ពីការហាមឃាត់នាំចេញវ៉ាក់សាំងប្រសិនបើមិនបានផ្តល់តាមកិច្ចសន្យា

អន្តរជាតិ
/
អ្នកយកព័ត៌មាន:
លី ម៉ាលីង
/

EU៖ ប្រធានគណៈកម្មាធិការអឺរ៉ុបលោកស្រី Ursula von der Leyen កាលពីថ្ងៃសៅរ៍បាននិយាយថា ក្រុមហ៊ុនផលិតវ៉ាក់សាំង AstraZeneca អាចប្រឈមមុខនឹងការហាមឃាត់ការនាំចេញវ៉ាក់សាំងកូវីដ១៩ ដែលវាផលិតនៅសហភាពអឺរ៉ុប ប្រសិនបើវាមិនបំពេញតាមកាតព្វកិច្ចចែកចាយតាមកិច្ចសន្យា។

លោកស្រី Ursula von der Leyen បានប្រាប់ទៅ Germany's Funke Media Group ថា យើងមានលទ្ធភាពក្នុងការហាមឃាត់ការនាំចេញតាមផែនការ ហើយនេះ គឺជាសារមួយទៅកាន់ក្រុមហ៊ុន AstraZeneca អ្នកបំពេញនូវកិច្ចព្រមព្រៀងរបស់អ្នកចំពោះអឺរ៉ុប មុនពេលអ្នកចាប់ផ្តើមចែកចាយទៅប្រទេសផ្សេងទៀត។

ប្រធានគណៈកម្មាការបាននិយាយថា ក្រុមហ៊ុនបានចែកចាយតែ ៣០ ភាគរយនៃ ៩០ លានវ៉ាក់សាំងដែលខ្លួនបានសន្យាសម្រាប់ត្រីមាសទី ១ នៃឆ្នាំនេះ។

កិច្ចសន្យាជាមួយមន្ទីរពិសោធន៍ស៊ុយអ៊ែត - អង់គ្លេសអំពាវនាវឱ្យមានការផ្តល់នូវវ៉ាក់សាំង ដែលផលិតនៅក្នុងប្រទេសសមាជិកសហភាពអឺរ៉ុបនិងចក្រភពអង់គ្លេស ខណៈសហភាពអឺរ៉ុបមិនទាន់បានទទួលមួយដូសនៅឡើយ។

លោកស្រីបានចង្អុលបង្ហាញថា ទោះបីជាកិច្ចសន្យាជាមួយក្រុមហ៊ុន AstraZeneca បានចែងថា សហភាពអឺរ៉ុបនឹងទទួលបាននូវវ៉ាក់សាំងវ៉ាក់សាំងពីរោងចក្រនៅសហភាពអឺរ៉ុបនិងចក្រភពអង់គ្លេស ប៉ុន្តែយើងមិនបានទទួលអ្វីពីអង់គ្លេសទេ ខណៈយើងផ្តល់វ៉ាក់សាំងដល់ពួកគេ។

សហគមន៍អ៊ឺរ៉ុបក៏បានចោទប្រកាន់ចក្រភពអង់គ្លេសផងដែរថា បានអនុម័ត ការហាមឃាត់ការនាំចេញ ដើម្បីរឹតត្បិតការនាំចេញវ៉ាក់សាំងទៅកាន់ប្រទេសជាសមាជិកសហភាពអឺរ៉ុប ប៉ុន្តែចក្រភពអង់គ្លេសបានបដិសេធការចោទប្រកាន់នេះ។

កាលពីដើមខែនេះ អាឡឺម៉ង់ បារាំង និងបណ្តាប្រទេសអ៊ឺរ៉ុបមួយចំនួនទៀត បានផ្អាកការប្រើប្រាស់វ៉ាក់សាំង AstraZeneca ដោយសារក្តីបារម្ភថាការចាក់វ៉ាក់សាំងបង្ការ នឹងធ្វើឱ្យមានហានិភ័យខ្ពស់នៃការកកឈាមបន្ទាប់ពីចាក់វ៉ាក់សាំង។

បន្ទាប់ពីការត្រួតពិនិត្យបឋមទីភ្នាក់ងារថ្នាំអឺរ៉ុប (EMA) បាននិយាយកាលពីថ្ងៃព្រហស្បតិ៍ថាគុណប្រយោជន៍នៃវ៉ាក់សាំងការពារកូវីដ ១៩ មានច្រើនជាងហានិភ័យនៃផលប៉ះពាល់របស់វា ដូច្នេះអាឡឺម៉ង់បារាំង និងបណ្តាប្រទេសអឺរ៉ុបដទៃទៀតបានបន្តចាក់វ៉ាក់សាំងនេះ។

ប្រទេសដាណឺម៉ាកបាននិយាយកាលពីថ្ងៃសៅរ៍ថា មនុស្សម្នាក់បានស្លាប់និងម្នាក់ទៀតធ្លាក់ខ្លួនឈឺធ្ងន់ដោយការកកឈាមនិងជំងឺសរសៃប្រសាទ បន្ទាប់ពីទទួលការចាក់វ៉ាក់សាំង AstraZeneca COVID-19 ។

អាជ្ញាធរទទួលបន្ទុកមន្ទីរពេទ្យរដ្ឋក្នុងទីក្រុង Copenhagen បាននិយាយថា អ្នកទាំងពីរជាបុគ្គលិកមន្ទីរពេទ្យទទួលបានវ៉ាក់សាំង AstraZeneca កាលពី ១៤ ថ្ងៃមុន។ បច្ចុប្បន្ននេះ មិនទាន់មានភ័ស្តុតាងណាមួយត្រូវបានរកឃើញ ដើម្បីបង្ហាញពីមូលហេតុនៃការផ្សារភ្ជាប់គ្នារវាងការចាក់វ៉ាក់សាំងនិងការកកឈាមនោះទេ៕

Khcct banner

អត្ថបទទាក់ទង