Yearendyearend1140x150

កម្ពុជារឹតបន្តឹងស្នើសុំទិដ្ឋការចូលកម្ពុជាក្នុងគ្រាប្រទេសកំពុងប្រឈមការឆ្លងក្នុងសហគមន៍

សង្គម
/
អ្នកយកព័ត៌មាន:
ហួ ឆេងស៊ីម
/

ភ្នំពេញ៖ រដ្ឋាភិបាលកម្ពុជាតាមរយៈក្រសួងការបរទេសកម្ពុជា បានចេញសេចក្តីប្រកាសស្តីពីការរឹតបន្តឹងវិធានការមួយចំនួនសម្រាប់ជនទេសដែលស្នើសុំទិដ្ឋការចូលកម្ពុជា។ ការរឹតបន្តឹងនេះធ្វើឡើងដើម្បីចូលរួមចំណែកក្នុងការទប់ស្កាត់ការរីករាលដាលនៃជំងឺកូវីដ១៩។

យោងតាមសេចក្តីជូនដំណឹង ដើម្បីចូលរួមចំណែកក្នុងការទប់ស្កាត់នៃការរីករាលដាលនៃកូវីដ១៩ និងជួយសម្រួលដល់អាជ្ញាធរមានសមត្ថកិច្ចក្នុងការស្រាវជ្រាវ និងស្វែងរកបុគ្គលដែលមានការពាក់ព័ន្ធ ក្នុងករណីដែលមានការចម្លងជំងឺកូវីដ១៩នៅកម្ពុជា ក្រសួងបានណែនាំនូវវិធានការមួយចំនួនបន្ថែមពីលើវិធានការរបស់ក្រសួងសុខាភិបាល ចំពោះជនបរទេសដែលស្នើសុំទិដ្ឋាការចូលក្នុងកម្ពុជា។

វិធានការទាំងនោះមានដូចជា ជនបរទេសទាំងអស់ដែលចូលមកកម្ពុជាត្រូវមានលិខិតធានា្យច្បាស់លាស់ពីក្រុមហ៊ុន ឬសមភាគីរបស់ខ្លួននៅកម្ពុជា ឬលិខិតអញ្ញើញពីស្ថាប័នរដ្ឋណាមួយរបស់កម្ពុជា។ មួយវិញទៀត ជនបរទេសទាំងអស់ត្រូវផ្តល់ព័ត៌មានឱ្យបានច្បាស់លាស់អំពីអាស័យដ្ឋាន ឬទីកន្លែងស្នាក់នៅក្នុងប្រទេសកម្ពុជានិងលេខទូរស័ព្ទទំនាក់ទំនងនៅកម្ពុជា។

បន្ថែមពីនេះ ជនបរទេសទាំងអស់ត្រូវបញ្ជាក់ឱ្យបានច្បាស់អំពីគោលបំណងនៃការធ្វើដំណើរមកកម្ពុជា ដោយគួរភ្ជាប់ជាមួយនូវកម្មវិធីការងារ ហើយត្រូវគោរពវិធាននានាដែលបានដាក់ចេញដោយក្រសួងសុខាភិបាល៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង