Cct850x100 1
1800px x h300px kh

KTVវៀតណាមមួយកន្លែងត្រូវដកអាជ្ញាប័ណ្ណ ក្រោយលួចបើកបំពានការណែនាំរបស់ក្រសួងសុខាភិបាល

សង្គម
/
អ្នកយកព័ត៌មាន:
ឃុន សម្ផស្ស
/

ភ្នំពេញ៖ គណៈបញ្ជាការឯកភាពរដ្ឋបាល ខណ្ឌដូនពេញ នៅថ្ងៃទី១១ ខែមីនា ឆ្នាំ២០២១ បានចុះបិទខារ៉ាអូខេ វៀតណាម មួយកន្លែង យីយោ HAT VOL NHAU 007 នឹងឃាត់ខ្លួនមនុស្សចំនួន១០នាក់ ស្រី២នាក់។ ក្រោយរកឃើញថាខារ៉ាអូខេនេះបានល្មើសនឹងសេចក្តីណែនាំរបស់ក្រសួងសុខាភិបាលកម្ពុជា។

ប្រតិបត្តិការបស់គណៈបញ្ជាការឯកភាពរដ្ឋបាល ខណ្ឌដូនពេញ ដឹកនាំដោយលោក សុខ ពេញវុធ អភិបាល នៃគណៈអភិបាលខណ្ឌដូនពេញ ចុះបង្ក្រាបទីតាំងខារ៉ាអូខេវៀតណាមមួយកន្លែង ដែលល្មើសច្បាប់លួចលាក់បើកដំណើរការបំពាន និងសេចក្តីណែនាំរបស់ក្រសួងសុខាភិបាល កំពុងប្រយុទ្ធប្រឆាំងនឹងជំងឺកូវីដ-១៩ ។

ជាលទ្ធផល គណៈបញ្ជាការឯកភាពរដ្ឋបាលខណ្ឌ បានធ្វើការដកហូតអាជ្ញាប័ណ្ណទាំងភោជនីយដ្ឋាន និងខារ៉ាអូខេ (KTV) (វៀតណាម) យីយោ HAT VOL NHAU 007 បិទទាំងស្រុង នឹងឃាត់ខ្លួនមនុស្សចំនួន១០នាក់ ស្រី២នាក់ បញ្ជូនទៅអធិការដ្ឋាននគរបាលខណ្ឌដូនពេញ ដើម្បីអនុវត្តតាមនីតិវិធីច្បាប់ ។

យោងតាមច្បាប់ថ្មី ជំពូកទី៣ មាត្រា៥ បានចែងថា បុគ្គលដែលមិនអនុវត្តតាមវិធានការរបស់ក្រសួងសុខាភិបាល វិធានការរដ្ឋបាល ឬវិធានការផ្សេងទៀត ដែលត្រូវបានដាក់ចេញស្របតាមច្បាប់នេះ នឹងត្រូវទទួលទណ្ឌកម្មរួមមាន ការព្យួរឬដកអាជ្ញាប័ណ្ណ វិញ្ញាបនបត្រ ឬលិខិតអនុញ្ញាតប្រកបអាជីវកម្ម ការបិទអាជីវកម្ម ការពិន័យអន្តរការណ៍ ពិន័យជាប្រាក់ ទោសដាក់ពន្ធធនាគារ៕


Khcct banner

អត្ថបទទាក់ទង