ព្រះមហាក្សត្រនិងសម្តេចម៉ែគ្រោងយាងទៅចិនពិនិត្យសុខភាព

កម្ពុជា៖ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តមមុនីនាថសីហនុ ព្រះវររាជមាតាជាតិខ្មែរ នៅថ្ងៃទី០១ ខែមីនា ឆ្នាំ២០២១ខាងមុខនេះ ព្រះអង្គទាំងទ្វេ នឹងស្តេចយាងទៅកាន់ទីក្រុងប៉េកាំង សាធារណរដ្ឋប្រជាមានិតចិន ដើម្បីពិនិត្យ-ព្យាបាលព្រះរាជសុខភាព តាមកម្មវិធីដែលបានគ្រោងទុក ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត នេះបើតាមព្រះរាជសាររបស់ព្រះអង្គផ្ញើជូនរួមជាតិចុះថ្ងៃទី២២ ខែកុម្ភៈ ឆ្នាំ២០២១កន្លងទៅ៕