ភ្នំពេញ៖ គិតមកដល់ពេលនេះមានអ្នកទោសជាប់ឃុំចំនួន ៣៧០០៧ នាក់ ក្នុងនោះមានស្រីចំនួន២៥៨៤ នាក់នៅទូទាំងប្រទេស។នេះបើតាមលោក ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃថ្លែងក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងារបន្ដរបស់ក្រសួងមហាផ្ទៃ នៅទីស្ដីការគណៈរដ្ឋមន្ដ្រី។
បើតាមលោក ខៀវ សុភ័គ បើគិតក្នុងឆ្នាំ១៩៩៣ ក្រោយការបោះឆ្នោតមកអ្នកជាប់ឃុំនៅស្រុកខ្មែរមានចំនួនជិត២០០០នាក់ ក្នុងសម័យរដ្ឋកម្ពុជា តែអីលូវនេះមានជាង ៣ម៉ឹននាក់ហើយទូទាំងប្រទេស។លោកកត់សម្គាល់ចំពោះប្រព្រឹត្តិលើកបទល្មើសផ្សេងៗ តែបើគិតក្នុងឆ្នាំ១៩៧៩ នឹងក្រោយឆ្នាំ១៩៧៩ស្ទើតែគ្មានអ្នកជាប់ទោសទេ ប៉ុន្តែមុនឆ្នាំ១៩៧៩ មានមនុស្សរាប់លាននាក់ជាប់ក្នុងគុនឥតជញ្ជាំងរបស់សម័យប៉ុនពត។
