Cct850x100 1
1800px x h300px kh

ហុងគ្រីជាប្រទេសអឺរ៉ុបទី១ដែលអនុម័តវ៉ាក់សាំងSinopharmការពារកូវីដ១៩របស់ចិន

អន្តរជាតិ
/
អ្នកយកព័ត៌មាន:
លី ម៉ាលីង
/

ហុងគ្រី៖ លោកស្រីវេជ្ជបណ្ឌិត Cecilia Muller ប្រធានផ្នែកពេទ្យរបស់ហុងគ្រីបាននិយាយកាលពីថ្ងៃសុក្រថា ប្រទេសហុងគ្រីបានអនុញ្ញាតឱ្យប្រើវ៉ាក់សាំង Sinopharm ការពារCOVID-19 របស់ប្រទេសចិន។

លោកស្រី Muller ដែលជាប្រធាន Coronavirus Taskforce របស់រដ្ឋាភិបាលហុងគ្រី បានធ្វើការប្រកាសនៅឯសន្និសីទសារព័ត៌មានជាទៀងទាត់មួយ ដើម្បីធ្វើឱ្យប្រទេសហុងគ្រីក្លាយជាប្រទេសដំបូងបង្អស់នៅសហភាពអ៊ឺរ៉ុបក្នុងការអនុម័តវ៉ាក់សាំងការពារជំងឺនេះ។

ក្រៅពីវ៉ាក់សាំង Pfizer-BioNTech និង Moderna ដែលទទួលបានតាមរយៈសហគមន៍អ៊ឺរ៉ុប ហុងគ្រីក៏បានអនុម័តការចាក់ថ្នាំបង្ការ Sputnik V និង វ៉ាក់សាំងអង់គ្លេស AstraZeneca COVID-19 របស់អង់គ្លេសផងដែរ។ នាយករដ្ឋមន្រ្តីហុងគ្រីលោក Viktor Orban បាននិយាយថា លោកនឹងទទួលបានវ៉ាក់សាំងរបស់ចិន។

ក្នុងអំឡុងពេលសន្ទនាតាមទូរស័ព្ទកាលពីថ្ងៃសុក្រ លោក Wang Yi បាននិយាយថា លោករីករាយដែលបានដឹងថាប្រទេសហុងគ្រីអនុម័តការនាំចូលវ៉ាក់សាំងការពារកូវីដ - ១៩ របស់ចិន ដោយបន្ថែមថាប្រទេសចិនយកចិត្តទុកដាក់យ៉ាងខ្លាំង ចំពោះបំណងបន្ទាន់របស់ហុងគ្រី ក្នុងការពង្រឹងកិច្ចសហប្រតិបត្តិការវ៉ាក់សាំងជាមួយចិន។

លោក Szijjarto រដ្ឋមន្រ្តីក្រសួងការបរទេសហុងគ្រីបាននិយាយថា ប្រទេសហុងគ្រី អរគុណដល់ប្រទេសចិន ដែលបានគាំទ្រយ៉ាងខ្លាំងក្នុងកិច្ចសហប្រតិបត្តិការវ៉ាក់សាំង ហើយសង្ឃឹមថាប្រទេសចិននឹងពន្លឿនដំណើរការអនុម័ត ដើម្បីជួយសម្រួលដល់ការទិញវ៉ាក់សាំងរបស់ហុងគ្រីនៅក្នុងប្រទេសចិន៕

Khcct banner

អត្ថបទទាក់ទង