Cct850x100 1
1800px x h300px kh

ក្រុម IS ប្រើការបំផ្ទុះគ្រាប់បែកអត្តឃាតដើម្បីបង្កើតការគំរាមគំហែង

អន្តរជាតិ
/
អ្នកយកព័ត៌មាន:
លី ម៉ាលីង
/

អ៉ីរ៉ាក់៖ ប្រព័ន្ធផ្សព្វផ្សាយអ៉ីរ៉ាក់បាននិយាយថា ការបំផ្ទុះគ្រាប់បែកអត្តឃាតដ៏កម្រដែលបានកើតឡើងកាលពីថ្ងៃព្រហស្បតិ៍នៅក្នុងរដ្ឋធានីBaghda របស់អ៊ីរ៉ាក់ គឺជាមធ្យោបាយមួយសម្រាប់ក្រុមរដ្ឋអ៉ីស្លាមជ្រុលនិយម (IS) ធ្វើការគំរាមកំហែង។

ការវាយប្រហារដោយគ្រាប់បែកនៅកណ្តាលទីក្រុងBaghda នៅព្រឹកថ្ងៃព្រហស្បតិ៍នេះ បានសម្លាប់មនុស្ស ៣២ នាក់និងរងរបួសចំនួន ១១០ នាក់ ដែលបង្កការព្រួយបារម្ភយ៉ាងខ្លាំងនៅក្នុងសហគមន៍អន្តរជាតិ។ ក្រុម IS បានប្រកាសទទួលខុសត្រូវក្នុងមួយថ្ងៃបន្ទាប់ពីការវាយប្រហារអត្តឃាតនេះ។

នៅថ្ងៃសុក្រអ្នកនាំពាក្យក្រសួងមហាផ្ទៃអ៉ីរ៉ាក់លោក Khaled al-Muhanna បានបង្ហាញព័ត៌មានលម្អិតនៃការវាយប្រហារដែលបានវាយប្រហារនៅខាងក្រៅផ្សារលក់សម្លៀកបំពាក់តូចមួយ។

អ្នកនាំពាក្យបាននិយាយថា ការស្លាប់និងរបួសកើតឡើងនៅពេលគ្រាប់បែកទីមួយផ្ទុះឡើង។ នៅពេលមនុស្សប្រមូលផ្តុំគ្នាជួយសង្គ្រោះអ្នករងរបួសគ្រាប់បែកទី ២ បានផ្ទុះឡើង។ ការបំផ្ទុះគ្រាប់បែកអត្តឃាតបានក្លាយជារឿងដ៏កម្រមួយនៅក្នុងទីក្រុងBaghda ដោយសារតែស្ថានភាពសន្តិសុខមានភាពប្រសើរឡើងនៅក្នុងប្រទេសអ៊ីរ៉ាក់ ចាប់តាំងពីកងកម្លាំងសន្តិសុខអ៊ីរ៉ាក់បានកម្ចាត់ក្រុមសកម្មប្រយុទ្ធ IS នៅទូទាំងប្រទេសកាលពីចុងឆ្នាំ ២០១៧ ។

ការបំផ្ទុះគ្រាប់បែកកាលពីថ្ងៃព្រហស្បតិ៍គឺជាការវាយប្រហារភេរវកម្មអាក្រក់បំផុតនៅក្នុងប្រទេសអ៉ីរ៉ាក់ក្នុងរយៈពេលប៉ុន្មានឆ្នាំថ្មីៗនេះ។ បណ្តាប្រទេសនិងអង្គការពិភពលោករួមទាំងប្រទេសចិន សហរដ្ឋអាមេរិក ចក្រភពអង់គ្លេស រុស្ស៊ី និងអង្គការសហប្រជាជាតិក៏បានថ្កោលទោសយ៉ាងខ្លាំងចំពោះការវាយប្រហារនេះផងដែរ។

បន្ទាប់ពីការវាយប្រហារលោកនាយករដ្ឋមន្រ្តីអ៉ីរ៉ាក់ Mustafa al-Kadhimi ដែលជាអគ្គមេបញ្ជាការនៃកងកម្លាំងអ៉ីរ៉ាក់បានដឹកនាំកិច្ចប្រជុំបន្ទាន់មួយជាមួយមេបញ្ជាការសន្តិសុខនិងចារកម្មដើម្បីពិភាក្សាអំពីការរំលោភសន្តិសុខនៅទីBaghda។ លោកនាយករដ្ឋមន្រ្តីបានបើកការស៊ើបអង្កេតលើឧប្បត្តិហេតុនេះហើយបានបញ្ជាឱ្យមានការចាប់ខ្លួនមនុស្សដែលពាក់ព័ន្ធនឹងភេរវករ និងជួយសម្រួលដល់ការមកដល់នៃអ្នកបំផ្ទុះគ្រាប់បែកអត្តឃាតនេះ៕

Khcct banner

អត្ថបទទាក់ទង