ភ្នំពេញ៖ លោក រស់ ហ៊ន ជាប៉ូលិសចរាចរណ៍ នៅខណ្ឌច្បារអំពៅ ពេលនេះបានធ្លាក់ខ្លួនឈឺជាទម្ងន់ និងកំពុងខ្វះខាតប្រាក់ព្យាបាល។
លោកស្រី រ៉ានូ ជាសាច់ញាតិបានប្រាប់ស៊ីថាមស៍ថា លោក រស់ ហ៊ន បានធ្លាក់ខ្លួនឈឺ លោកស្រីសុំចិត្តអំពាវនាវរកសប្បុរសជនក្នុងការឧបត្តម្ភជាទឹកប្រាក់សម្រាប់ជួយដល់ប៉ូលិសចរាចរណ៍រូបនេះ។
បើតាមលោកស្រី បានថ្លែងថា ”បងប្អូនទាំងអស់ដែលរស់នៅខណ្ឌច្បារអំពៅយើង..ថាច្បាស់ជាធ្លាប់ឃើញ...ធ្លាប់ស្គាល់..ព្រោះគាត់តែងតែឈរហាលភ្លៀង..ហាលខ្យល់..ហាលក្ថៅ...តែឥឡូវនេះបាត់រូបគាត់មិនឃើញឈរធ្វើចរាចរនៅលើផ្លូវទៀតទេ..ដោយគាត់មានជម្ងឺជាទម្ងន់..ហើយក៍មានការខ្វះខាតថវិកា.សម្រាប់ការព្យាបាលជម្ងឺ”។
