ក្នុងខែកុម្ភៈឆ្នាំនេះ ចំនួនភ្ញៀវទេសចរចិនមកសៀមរាបធ្លាក់ចុះ៩៨%

ភ្នំពេញ៖ យោងតាមការស្រង់សិត្ថិរបស់រដ្ឋលេខាធិការអាកាសចរស៊ីវិល នៅក្នុងខែកុម្ភៈឆ្នាំនេះ ភ្ញៀវទេសចរចិនចូលតាមអាកាសយានដ្ឋានអន្តរជាតិសៀមរាប ធ្លាក់ចុះ៩៨%។

លោក ស៊ីង ចាន់សិរីវុត្ថា មន្ត្រីអ្នកនាំពាក្យរដ្ឋលេខាធិការអាកាសចរស៊ីវិល បានប្រាប់ស៊ីស៊ីថាមស៍ថា ចាប់ពីថ្ងៃទី១ដល់ ថ្ងៃទី២៥ ខែកុម្ភៈ ចំនួនភ្ញៀវទេសចរចិនដែលចូលតាមអាកាសយានដ្ឋានអន្តរជាតិទាំងបីនៅកម្ពុជា បានធ្លាក់ចុះ៨២% បើធៀបទៅនឹងរយៈពេលដូចគ្នាកាលពីឆ្នាំ២០១៩។

លោកបញ្ជាក់ទៀតថា នៅអាកាសយានដ្ឋានអន្តរជាតិភ្នំពេញភ្ញៀវទេសចរចិនធ្លាក់ចុះ ៦៧% អាកាសយានដ្ឋានអន្តរជាតិសៀមរាបធ្លាក់ចុះ៩៨% និង អាកាសយានដ្ឋានកងកេងព្រះសីហនុធ្លាក់ចុះ៧៨%។

លោកបញ្ជាក់ទៀតថា ភ្ញៀវទេសចរចិនធ្លាក់ចុះមិនមែនដោយសារកម្ពុជាផ្អាក ឬលប់ចោលជើងហោះហើររបស់ខ្លួនពីប្រទេសចិននោះទេ គឺដោយសារចំនួនភ្ញៀវទេសចរចិនមកកម្ពុជាមានចំនួនតិច។