ភ្នំពេញ៖ ក្រសួងអប់រំយុវជន និងកីឡា អនុញ្ញាតឱ្យគ្រឹះស្ថានឧត្តមសិក្សាសាធារណៈទាំងអស់ បើកដំណើរការឡើងវិញ ចាប់ពីថ្ងៃចុះហត្ថលេខានេះតទៅ ដោយយោងតាមគោលការណ៍ប្រតិបត្តិស្ដង់ដារ (SOP) សម្រាប់ដំណើរការគ្រឹះស្ថានសិក្សាឡើងវិញក្នុងបរិបទនៃជំងឺកូវីដ ១៩ របស់ក្រសួងអប់រំ យុវជន និងកីឡា ដែលបានចុះនៅថ្ងៃទី០៤ ខែសីហា ឆ្នាំ២០២០។
នៅក្នុងសេចក្ដីប្រកាសនោះបានថ្លែងថា ក្រសួងអប់រំអនុញ្ញាតឱ្យគ្រឹះស្ថានឧត្តមសិក្សាសាធារណៈទាំងអស់ បើកដំណើរការឡើងវិញ ចាប់ពីថ្ងៃចុះហត្ថលេខានេះតទៅ ក្នុងលក្ខខណ្ឌដែលគ្រឹះស្ថានឧត្តមសិក្សាសាធារណៈទាំងអស់ត្រូវគោរព និងអនុវត្តឱ្យបានម៉ឺងម៉ាត់ និងខ្ជាប់ខ្ជួនបំផុតតាមខ្លឹមសារនៃគោលរណ៍ប្រតិបត្តិស្ដង់ដា (SOP) និងលិខិតបទដ្ឋានគតិយុតផ្សេងទៀតដែលមានជាធរមាន៕