ចិន៖ ថ្នាក់ដឹកនាំក្នុងតំបន់ណាមួយ ឬក៏ស្ថាប័នរដ្ធណាមួយរបស់ប្រទេសចិនដែលមានបញ្ហាធ្ងន់ធ្ងរក្នុងការប្រើប្រាស់ថវិការជាតិចំណាយខ្ជះខ្ជាយលើការស៊ីផឹកនឹងត្រូវទទួលរងការពិន័យ។
គណៈកម្មាធិការជាតិត្រួតពិនិត្យនៃគណៈកម្មាធិការកណ្តាលសម្រាប់អធិការកិច្ចវិន័យរបស់ប្រទេសចិនកាលពីពេលថ្មីៗនេះបានបោះពុម្ពផ្សព្វផ្សាយអោយស្ថាប័នអធិការកិច្ចគ្រប់លំដាប់ថ្នាក់ចាត់ទុកការងារត្រួតពិនិត្យសន្សំសំចៃចំណីអាហារនិងការបញ្ឈប់ការបរិភោគអាហារ និងភេសជ្ជៈខ្ជះខ្ជាយ គឺជាភារកិច្ចដ៏សំខាន់មួយ ដើម្បីទប់ស្កាត់ និងបញ្ឈប់នូវនិន្នាការមិនល្អក្នុងការខ្ជះខ្ជាយចំណីអាហារ។
គណៈកម្មាធិការជាតិបានបញ្ជាក់ថែមទៀតផងថា ក្នុងករណី តំបន់ណាមួយ រឺក៏ស្ថាប័នរដ្ធណាមួយដែលមានបញ្ហាធ្ងន់ធ្ងរក្នុងការប្រើប្រាស់ថវិការជាតិចំណាយខ្ជះខ្ជាយលើការស៊ីផឹករឺចំណីអាហារផ្សេង ថ្នាក់ដឹងនាំនឹងត្រូវទទួលខុសត្រូវយ៉ាងម្មឺងម៉ាត់៕
