Yearendyearend1140x150

រយៈពេល១០០ថ្ងៃក្រសួងយុត្តិធម៌«ដោះស្រាយសំណុំរឿងកកស្ទះ»បានជាង៨ពាន់

សង្គម
/
អ្នកយកព័ត៌មាន:
សុវណ្ណ ស្រីពេជ្រ
/

ភ្នំពេញ៖ លទ្ធផល១០០ថ្ងៃ នៃការអនុវត្តយុទ្ធនាការដោះស្រាយការកកស្ទះសំណុំរឿង នៅតាមសាលាដំបូងរាជធានី ខេត្តទូទាំងប្រទេស បានសម្រេចសំណុំរឿងសរុប៨ ១១៣ ស្មើនឹង៦៣%នៃសំណុំរឿងដែលកកស្ទះកន្លងមក។ នេះបើតាមសេចក្ដីប្រកាសព័ត៌មានរបស់ក្រសួងយុត្តិធម៍ថ្ងៃ ២៨ សីហា ឆ្នាំ២០២០។

យោងតាមសេចក្ដីប្រកាសរបស់ក្រសួងយុត្តិធម៌ បានឱ្យដឹងថា ចាប់តាំងពីថ្ងៃ ២៧ សីហា ឆ្នាំ២០២០ គណៈកម្មការដឹងនាំការដោះស្រាយសំណុំរឿងដែលកកស្ទះ នៅតាមសាលាដំបូងរាជធានីខេត្តរយៈពេល១០០ថ្ងៃ បានសម្រេចជាលទ្ធផលលើរឿងក្ដីចំនួន ៨ ១១៣សំណុំរឿង។

បន្ថែមពីនេះ ក្រោយការដោះស្រាយសំណុំរឿងទាំងនេះបានជោគជ័យ ស្ថាប័នពាក់ព័ន្ធនានា នឹងរំពឹងទុកថា សាលាដំបូងរាជធានី ខេត្តទូទាំងប្រទេស នឹងបន្តខិតខំដោះស្រាយការកកស្ទះសំណុំរឿងនៅតាមអង្គភាពឱ្យចប់សព្វគ្រប់នៅត្រឹមដំណាច់ឆ្នាំ២០២០នេះ ដោយប្រកាន់ខ្ជាប់ក្នុងនូវអភិក្រមការងារយុទ្ធនាការគឺ«លឿន ត្រឹមត្រូវ យុត្តិធម៌ និងមិនពុករលួយ»។

សូមជម្រាបជូនថា សាលាដំបូងរាជធានីខេត្ត បានចាប់ផ្ដើមដោះស្រាយសំណុំរឿងចាស់ៗដែលកកស្ទះកន្លងមកចាប់ពីថ្ងៃទី ១៨ ខែឧសភា ឆ្នាំ២០២០ រហូតមកដល់ថ្ងៃ២៧ សីហា ឆ្នាំ២០២០៕ 


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង