Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Cct 01
Photo 2022 08 27 11.03.25
Website cc time banner  1800 x 300px

កម្ពុជានឹងមានរោងចក្រកាត់ដេរសម្លៀកបំពាក់ និងផលិតកាបូបចំនួន២បន្ថែមទៀត

សេដ្ឋកិច្ច
/
អ្នកយកព័ត៌មាន:
គន្ធា អេង
/

ភ្នំពេញ៖ ស្របពេលដែលសហភាពអឺរ៉ុបបានសម្រេចដកការអនុគ្រោះពន្ធលើទំនិញ៤០ប្រភេទរបស់កម្ពុជា នៅពេលនេះ ក្រុមហ៊ុនវិនិយោគលើផលិតផលធ្វើដំណើរ និងសម្លៀកបំពាក់បានសម្រេចបង្កើតរោងចក្រចំនួន២បន្ថែមទៀតនាពេលខាងមុខនេះ។ នេះបើតាមការបង្ហាញឱ្យដឹងរបស់ក្រុមប្រឹក្សាអភិវឌ្ឍន៍កម្ពុជា(CDD)នៅលើទំព័រហ្វេសប៊ុករបស់ខ្លួននៅរសៀលថ្ងៃសុក្រ ទី២១ កុម្ភៈនេះ។ 

ទំព័រហ្វេសប៊ុកក្រុមប្រឹក្សាអភិវឌ្ឍន៍កម្ពុជា(CDD) បានសរសេរថា តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនចំនួនពីរ ដើម្បីបង្កើតរោងចក្រផលិតកាបូប និងសម្លៀកបំពាក់។ ទី១ គឺ ក្រុមហ៊ុន“LAI MAN INTERNATIONAL CO., LTD”។ ក្រុមហ៊ុននេះ គ្រោងបង្កើតរោងចក្រផលិតកាបូបគ្រប់ប្រភេទដែលមានទីតាំងវិនិយោគស្ថិតនៅភូមិពោធិ៍កោង ឃុំព្រះស្រែ ស្រុកឧដុង្គ ខេត្តកំពង់ស្ពឺ មានទុនវិនិយោគប្រមាណ ៣,៧លានដុល្លារអាមេរិក និងអាចបង្កើតការងារបានចំនួន ៧៧៧កន្លែង។

ចំណែក ទី២ គឺក្រុមហ៊ុន TRIMAX APPAREL (CAMBODIA) CO., LTD។ ក្រុមហ៊ុនមួយនេះ មានគម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិភ្នំដីនិងភូមិសំបូរ សង្កាត់ច្បារមន ក្រុងច្បារមន ខេត្តកំពង់ស្ពឺ។ គម្រោងបង្កើតរោងចក្រផលិតសម្លៀកបំពាក់នេះ នឹងចំណាយទុនវិនិយោគប្រមាណ ២០,៧លានដុល្លារអាមេរិក និងអាចបង្កើតការងារបានចំនួន ១.៦៦០កន្លែង៕ 

ផ្ទាំងពាណិជ្ជកម្ម
Img 9694
Img 4048
ពាក្យទាក់ទង: រោងចក្រ
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង