ក្រុងព្រះសីហនុ៖នាវាWesterdam នៅថ្ងៃទី២២ កុម្ភៈស្អែកនេះ នឹងចេញពីចំណតផែជាបណ្តោះអាសន្ន ទៅឈប់សំចតនៅសមុទ្រខាងក្រៅផែ ដើម្បីរៀបចំចាក់ប្រេង សម្រាប់ការធ្វើដំណើរចាកចេញពីកម្ពុជា។នេះបើតាមការឱ្យដឹងពីមន្ត្រីកំពង់ផែក្រុងព្រះសីហនុប្រាប់ស៊ីស៊ីថាមស៍។
មន្ត្រីដដែលថ្លែងថា តាមការគ្រោងទុក នៅថ្ងៃ២៣ កុម្ភៈ នាវានេះនឹងចូលចតចំណតផែម្តងទៀត ដើម្បីរៀបចំបែបបទ មុននឹងចាកចេញពីកម្ពុជា។ក្នុងនោះក្រុមហ៊ុននាវាWesterdam ដែលមានមូលដ្ឋាននៅសហរដ្ឋអាមេរិក បានគោរពថ្លែងអំណរគុណ សម្តេច ហ៊ុន សែន អរគុណប្រទេសកម្ពុជា ដែលអនុគ្រោះអោយនាវាបានចូលចត បន្ទាប់ពីស្ថិតនៅលើផ្ទៃសមុទ្រជាង១០ថ្ងៃ ដោយសារកោះនិងប្រទេសមួយចំនួនបដិសេធមិនអោយចូលចតក្រោមហេតុផលខ្លាចមេរោគCovid-19 ។
បើតាមមន្ត្រីកំពង់ផែដែលដកស្រង់សម្តីពីក្រុមហ៊ុននាវាមកប្រាប់ថា ក្រុមហ៊ុននាវាWesterdam សូមអរគុណនិងអធ្យាស្រយ័ដែលការឈប់សំចតយូរថ្ងៃនៅកម្ពុជា មិនមានបង់ប្រាក់ដល់កំពង់ផែ ស្របពេលដែលកំពង់ផែក្រុងព្រះសីហនុ មាននាវាដឹកទំនិញចេញ ចូលមមារញឹក ៕