ចិន៖ ក្រុមហ៊ុនBMW មានមូលដ្ឋានផលិតកម្មធំបំផុតនៅលើពិភពលោក គឺនៅឯទីក្រុងShenyang នៅថ្ងៃទី១៧ កុម្ភៈ បានចាប់ផ្តើមដំណើរការងារឡើងវិញ ហើយបុគ្គលិកជិត២ម៉ឺននាក់ (រួមទាំងបុគ្គលិកក្រុមហ៊ុនដៃសហការនៃអ្នកផ្គត់ផ្គង់នៅក្នុងរោងចក្រ)បានវិលត្រឡប់ទៅធ្វើការដូចការគ្រោងទុក។
ក្រុមហ៊ុនBMWបានតំឡើងឧបករណ៍វាស់កំដៅស្វ័យប្រវត្តិនៅច្រកទ្វារចូលរោងចក្រ និងដាក់ឧបករណ៍សម្លាប់មេរោគដែលពាក់ព័ន្ធ ព្រមទាំងបែងចែកពេលវេលា និងកន្លែងបរិភោគអាហារសម្រាប់បុគ្គលិក និងមធ្យោបាយផ្សេងៗទៀត ដើម្បីធានាថាបុគ្គលិកធ្វើការក្រោមលក្ខខណ្ឌសុវត្ថិភាពនៃការកាពារការឆ្លងរាលដាលជំងឺ។