Cct850x100 1

កម្ពុជារៀបចំធនាគារ៣ ដើម្បីទទួលប្រាក់តម្កល់ជនបរទេសក្នុងការព្យាបាលកូវីដ១៩

ព័ត៌មានជាតិ
/
អ្នកយកព័ត៌មាន:
ហួ ឆេងស៊ីម
/
លោកជំទាវ យក់ សម្បត្តិ អគ្គនាយករដ្ឋបាលហិរញ្ញវត្ថុ នៃក្រសួងសុខាភិបាល

ភ្នំពេញ៖ កម្ពុជាបានរៀបចំទីតាំងធនាគារចំនួន៣ នៅព្រលានយន្តហោះ ដើម្បីឱ្យជនបរទេសតម្កល់សាច់ប្រាក់ក្នុងការបង្ការថ្លៃព្យាបាលកូវីដ១៩ ពេលមកដល់កម្ពុជា។ នេះបើតាមប្រសាសន៍របស់លោកជំទាវ យក់ សម្បត្តិ អគ្គនាយករដ្ឋបាលហិរញ្ញវត្ថុ នៃក្រសួងសុខាភិបាល នៅក្នុងសន្និសីទសារព័ត៌មានស្ដីពីការទប់ស្កាត់ជំងឺកូវីដ១៩ ពីក្រៅប្រទេសចូលមកកម្ពុជា នៅព្រឹកថ្ងៃទី០៣ ខែកក្កដា ឆ្នាំ២០២០។

លោកជំទាវ យក់ សម្បត្តិ អគ្គនាយករដ្ឋបាលហិរញ្ញវត្ថុ នៃក្រសួងសុខាភិបាលមានប្រសាសន៍ថា ជនបរទេសដែលធ្វដំណើរមកកាន់កម្ពុជា ត្រូវកំណត់ឱ្យតម្កល់ប្រាក់នៅទីតាំងមួយក្នុងចំណោមធនាការទាំង៣ដែលកម្ពុជាបានរៀបចំនៅព្រឡានយន្តហោះ ដើម្បីបង្ការក្នុងការបង់ថ្លៃព្យាបាលឬតាមដានជំងឺកូវីដ១៩។

លោកជំទាវបានបន្តថា ធនាគារទាំង៣នោះមានដូចជា ធនាគារកាណាឌីយ៉ា ធនាគារអាស៊ីចំកាត់ និងធនាគារអេស៊ីលីដា។ ចំពោះថវិកាដែលជនបរទែសត្រូវតម្កល់អាចជាសាច់ប្រាក់សុទ្ធ ឬអាចជាប័ណ្ឌឥនទាន(Visa Card or Credit Card)។

មួយវិញទៀត ប្រមុខរាជរដ្ឋាភិបាលកម្ពុជាក៏បានសម្រួលជូនដល់ប្រជាជនខ្មែរនៅក្រៅប្រទេសដែលមានបំណងត្រឡប់កម្ពុជាវិញ គឹមិនចាំបាច់តម្កល់ប្រាក់ មិនចាំបាច់មានលិខិតធានារ៉ាប់រងអ្វីទេ គឺគ្រាន់តែមកដល់កម្ពុជាភ្លាម គឹត្រូវធ្វើចត្តាឡីស័កតែម្តង។ នេះបើតាមប្រសាសន៍របស់លោកជំទាវ។

គួរបញ្ជាក់ដែរថា គិតមកត្រឹមថ្ងៃទិ៣០ ខែមិថុនា ឆ្នាំ២០២០ ថវិកាដែលទទួលបានពីការតម្កល់សម្រាប់ព្យាបាលកូវីដ១៩ មានចំនួន៩លានដុល្លារ ដែលបានពីការតម្កល់របស់ជនបរទេសប្រហែល៣ពាន់នាក់។ បន្ទាប់ពីមានការបង់ថ្លៃព្យាបាល ឬសេវាកម្មស្នាក់នៅរួចមក ថវិកាដែលនៅសេសសល់ នឹងត្រូវបង្វែរជូនភ្ញៀវបរទេសវិញក្នុងរយៈពេល៥ថ្ងៃ ហើយអាចមកទទួលថវិកានៅធនាគារទាំង៣នេះវិញបាន៕

Khcct banner

អត្ថបទទាក់ទង