Cct850x100 1

ការស្ថាបនារបាំងសំលេងរំខានសម្រាប់ផ្លូវដែកល្បឿនលឿនបានបញ្ចប់កាលពីថ្ងៃអាទិត្យ

ចិន
/
អ្នកយកព័ត៌មាន:
លី ម៉ាលីង
/

ការស្ថាបនារបាំងសំលេងរំខានសម្រាប់ផ្លូវដែកល្បឿនលឿន

ចិន៖ ការស្ថាបនារបាំងសំលេងរំខានសម្រាប់ផ្លូវដែកល្បឿនលឿនភ្ជាប់ពីទីក្រុងប៉េកាំងប្រទេសចិននិងតំបន់ជិតខាងថ្មីរបស់ខ្លួនគឺទីក្រុង Xiong'an បានបញ្ចប់កាលពីថ្ងៃអាទិត្យ។

ឧបសគ្គនៃសំលេងរំខានត្រូវបានតំឡើងជាញឹកញាប់នៅពេលដែលផ្លូវដែកឆ្លងកាត់តំបន់លំនៅដ្ឋាន។ ទោះយ៉ាងណាក៏ដោយនេះជាលើកទីមួយនៅក្នុងប្រទេសចិនដែលមានរបាំងសំលេងរំខានត្រូវបានតំឡើងសម្រាប់ផ្លូវដែកល្បឿនលឿនដែលមានល្បឿនអតិបរមា ៣៥០ គីឡូម៉ែត្រក្នុងមួយម៉ោង។

លោក Zhang Tengfei ប្រធានវិស្វករនៃផ្នែកទី ៥ នៃគម្រោងរបាំងសំលេងរំខានសម្រាប់ផ្លូវដែកទីក្រុងប៉េកាំង - Xiong'an បានមានប្រសាសន៍ថា យើងត្រូវជំនះឧបសគ្គពីរនៅពេលធ្វើគម្រោងថ្មីនេះ ទីមួយគឺភាពជាក់លាក់នៃការផ្គូផ្គងរវាងទីតាំងនៃប៊ូឡុងដែលត្រូវបង្កប់ក្នុងរន្ធ ដើម្បីបម្រុងទុកនៅលើបន្ទះដែកថែប។ បញ្ហាទី ២ គឺការស៊ីសង្វាក់គ្នានៃទ្រង់ទ្រាយសំខាន់ ហើយចំពោះ ការដោះស្រាយបញ្ហាទាំងពីរនេះនឹងជួយឲ្យប្រាកដថារថភ្លើងល្បឿនលឿននឹងឆ្លងកាត់របាំងនេះដោយសុវត្ថិភាព។

ដើម្បីធានានូវគុណភាពនៃគម្រោងអ្នកសាងសង់បានធ្វើការសាកល្បងជាង ៤ លានដង។ ហើយគ្រប់ប៊ូឡុងដែលត្រូវបានប្រើ មានលេខកូដផ្ទាល់ខ្លួន ដែលអាចជួយឲ្យអ្នកសាងសង់មានភាពងាយស្រួលក្នុងការដំឡើង។ សម្រាប់ការបញ្ចប់របាំងសំលេងរំខាននៅលើតួសំខាន់នៃផ្លូវរថភ្លើងល្បឿនលឿនប៉េកាំង - Xiong'an គឺជាការដាក់មូលដ្ឋានគ្រឹះដ៏ល្អសម្រាប់ប្រតិបត្តិការជាផ្លូវការនៃផ្លូវដែកនៅចុងឆ្នាំនេះ។

សូមបញ្ជាក់ផងដែរថា របាំងសំលេងរំខានមានប្រវែងសរុប ៨៤៧,២៥ ម៉ែត្រ ដូចជារនាំងអ៊ីសូឡង់សំឡេង ដើម្បីកាត់បន្ថយសំលេងរំខានដែលបន្លឺឡើងដោយរថភ្លើង៕


Khcct banner

អត្ថបទទាក់ទង