Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

ទូតអូស្ត្រាលី៖អង្ករគឺជា«មាសស និងជាកម្លាំងចលករ»ដ៏សំខាន់ក្នុងការជំរុញសេដ្ឋកិច្ចនៅកម្ពុជា

សេដ្ឋកិច្ច
/
អ្នកយកព័ត៌មាន:
ហួ ឆេងស៊ីម
/
(រូបភាព៖ ទូតអូស្រ្ដាលីប្រចាំកម្ពុជា)

ភ្នំពេញ៖ អូស្រ្ដាលីមានប្រវត្តិធ្វើការជាមួយកម្ពុជាជាយូរមក ក្នុងគោលបំណងអភិវឌ្ឍវិស័យស្រូវអង្ករនៅប្រទេសកម្ពុជា ហើយអូស្រ្ដាលីបានគាំទ្រវិស័យស្រូវអង្កររបស់កម្ពុជា ដោយបានលើកឡើងថា នៅក្នុងប្រទេសកម្ពុជា អង្ករគឺជា«មាសស(White Gold) ជាអាហារចម្បងសម្រាប់ប្រជាជនខ្មែរ និងជាកម្លាំងចលករ» ជំរុញសេដ្ឋកិច្ចដ៏សំខាន់។ នេះបើតាមសេចក្ដីប្រកាសរបស់ទូតអូស្រ្ដាលីប្រចាំកម្ពុជាកាលពីថ្ងៃទី២៩វិច្ឆិកានេះ។

បើតាមសេចក្ដីប្រកាស ទូតអូស្រ្ដាលីបានបញ្ជាក់ថា តាមរយៈកម្មវិធីសំខាន់មួយរបស់រដ្ឋាភិបាលអូស្ត្រាលី កម្មវិធីភាពជាដៃគូកម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAP RED)ទូតអូស្រ្ដាលីបានធ្វើការរួមគ្នាជាមួយសហព័ន្ធស្រូវអង្ករកម្ពុជា Cambodia Rice Federation - CRF ដើម្បីអភិវឌ្ឍ និងចុះបញ្ជីម៉ាកសញ្ញាអង្ករផ្កាម្លិះដែលមានគុណភាពខ្ពស់ (ម្លិះអង្គរ) អង្ករសែនក្រអូប (Sen Kra Ob) និង អង្ករដំណើបស្បៃមង្គល (Damnoeb Sbai Mongkul)។

ទូតបន្តថា ភាគីអូស្រ្ដាលីពិតជាមានសេចក្តីសោមន្សរីករាយដែលបានឃើញពូជស្រូវផ្ការំដួលរបស់កម្ពុជាបានឈ្នះពានរង្វាន់អង្ករល្អដាច់គេលើពិភពលោកលើកទី៥ ឈ្នះការប្រកួតប្រជែងអង្ករល្អបំផុតលើពិភពលោក នៅក្នុងសន្និសីទអង្ករពិភពលោក ដែលធ្វើឡើងនៅប្រទេសថៃកាលពីដើមខែនេះ ដែលប្រទេសកម្ពុជាត្រូវបានតំណាងដោយសហព័ន្ធស្រូវអង្ករ CRF។

សូមរំលឹកថា ប្រទេសកម្ពុជាបានឈ្នះអង្ករល្អដាច់គេ ប្រចាំឆ្នាំ ២០២២ នៅវេទិការអង្ករពិភលោក ទីក្រុង ភូកេត ប្រទេសថៃ កាលពីថ្ងៃទី ១៧ ខែ វិច្ឆិកា ឆ្នាំ២០២២។ ការឈ្នះជ័យលាភីជា«អង្ករល្អដាច់គេ»របស់ពិភពលោកឆ្នាំ២០២២ ជាកិត្តិយសរបស់ប្រទេសកម្ពុជាក្នុងនាមជាប្រទេសផ្អែកលើវិស័យកសិកម្ម។

គួរបញ្ជាក់ថា នេះជាលើកទី៥ហើយដែលអង្កររបស់ប្រទេសកម្ពុជា ទទួលបានជ័យលាភីជាអង្ករល្អដាច់គេនៅលើពិភពលោក។សម្រាប់ជ័យជម្នះនៅឆ្នាំ២០២២នេះ ក្រោយការខិតខំប្រឹងប្រែងពីការងារសហព័ន្ឋស្រូវអង្ករកម្ពុជា ប្រជកសិករខ្មែរ សមាជិក រោងម៉ាស៊ីនកិនស្រូវ សហគមន៍កសិកម្ម ក្រសួងកសិកម្ម ក្រសួងពាណិជកម្ម ដែលផ្តល់គំាទ្រផលិតអង្ករល្អដាច់គេ ដើម្បីចួលរួមប្រកួត និង នាំពាន់មកកម្ពុជានៅពេលនេះ៕


ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង