Foton on ads news final
Cct850x100 1
Cc time 1800 x 300
San house

ការផ្គត់ផ្គង់ថាមពលនៅចិនមានតម្រូវការខ្ពស់ ខណៈកំដៅបន្តកើនឡើង

អន្តរជាតិ
/
អ្នកយកព័ត៌មាន:
កូ រដ្ឋា
/

ចិន៖ប្រទេសចិនបានចាត់វិធានការមួយចំនួន ដើម្បីធានាការផ្គត់ផ្គង់ថាមពលគ្រប់គ្រាន់ ចំពេលមានតម្រូវការអគ្គិសនីខ្ពស់បំផុតក្នុងរដូវក្តៅ។ លោក He Yang រដ្ឋបាលថាមពលជាតិបានអះអាងថា ចាប់តាំងពីខែកក្កដាមក តម្រូវការថាមពលកើនឡើងខ្ពស់ដោយសារតែរលកកំដៅឥតឈប់ឈរដែលកំពុងវាយលុកតំបន់ជាច្រើននៃប្រទេសចិន។

រដ្ឋបាលថាមពលរូបនេះបានបន្តថា នឹងពង្រឹងការត្រួតពិនិត្យការផ្គត់ផ្គង់អគ្គិសនី និងតម្រូវការក្នុងខេត្តនីមួយៗ ដើម្បីអាចឆ្លើយតបបានទាន់ពេលវេលា នៅពេលមានបញ្ហាកើតឡើង។ លោកបាននិយាយថា ប្រទេសចិនក៏បានពន្លឿនការសាងសង់គម្រោងហេដ្ឋារចនាសម្ព័ន្ធថាមពលសំខាន់ៗរបស់ខ្លួនផងដែរ ដែលបានពង្រឹងសមត្ថភាពផ្គត់ផ្គង់ថាមពលរបស់ប្រទេសនេះប្រកបដោយប្រសិទ្ធភាព។

រដ្ឋបាលថាមពលជាតិចិន NEA ក៏នឹងប្រើប្រាស់វិធីសាស្រ្តទីផ្សារដើម្បីលើកទឹកចិត្តអ្នកប្រើប្រាស់ឱ្យជួយសន្សំសំចៃថាមពលអគ្គិសនីបន្ថែមទៀតផងដែរ។ លោកបាននិយាយថា សារពើភ័ណ្ឌធ្យូងថ្មនៅរោងចក្រថាមពលបានបន្តពង្រីកចំពេលប្រទេសមានកិច្ចខិតខំប្រឹងប្រែងក្នុងការបង្កើនការផលិតធ្យូងថ្ម ដោយផ្តល់នូវការគាំទ្រយ៉ាងខ្លាំងសម្រាប់ការផ្គត់ផ្គង់អគ្គិសនីរបស់ប្រទេស។

ទិន្នន័យផ្លូវការបង្ហាញថា ការផលិតថាមពលរបស់ប្រទេសចិនបានកើនឡើង ០.៧ ភាគរយពីមួយឆ្នាំទៅមួយឆ្នាំ ឈានដល់ ៣.៩៦ ពាន់ពាន់លានគីឡូវ៉ាត់ម៉ោងក្នុងរយៈពេលប្រាំមួយខែដំបូងនៃឆ្នាំនេះ៕

Khcct banner

អត្ថបទទាក់ទង