Foton on ads news final
Cct850x100 1
Cc time 1800 x 300
San house

ឥណ្ឌាគ្រោងកាត់បន្ថយការនាំចូលអាវុធបរទេសនិងប្រែក្លាយជាអ្នកនាំចេញអាវុធទំនើបវិញ

អន្តរជាតិ
/
អ្នកយកព័ត៌មាន:
លី ម៉ាលីង
/
ឥណ្ឌាគ្រោងកាត់បន្ថយការនាំចូលអាវុធបរទេសនិងប្រែក្លាយជាអ្នកនាំចេញអាវុធទំនើបវិញ ប្រភពរូប៖ RT

ឥណ្ឌា៖ នាយករដ្ឋមន្ត្រីឥណ្ឌា Narendra Modi បាននិយាយនៅក្នុងវេទិកាច្នៃប្រឌិតយោធាកាលពីថ្ងៃ១៨ កក្កដា ថា ប្រទេសឥណ្ឌាកំពុងស្វែងរកការកសាង «ប្រព័ន្ធការពារជាតិ»ថ្មីទាំងស្រុង ដើម្បីកាត់បន្ថយការពឹងផ្អែកយ៉ាងខ្លាំងលើការផ្គត់ផ្គង់អាវុធពីបរទេស ហើយប្រែក្លាយខ្លួនទៅជាអ្នកនាំចេញអាវុធទំនើបដ៏សំខាន់។

ថ្លែងទៅកាន់សិក្ខាសាលាដែលរៀបចំឡើងដោយអង្គការ Naval Innovation and Indigenization Organization (NIIO) និងសមាគមអ្នកផលិតការពារជាតិឥណ្ឌា (SIDM) លោក Modi បាននិយាយថា «រដ្ឋាភិបាលរបស់លោកបានចាប់ផ្តើម "បេសកកម្ម" ដើម្បីផ្លាស់ប្តូរផ្នត់គំនិត បង្កើនថវិកាការពារជាតិរបស់ឥណ្ឌា ប៉ុន្តែត្រូវប្រាកដថាផ្នែកសំខាន់មួយរបស់វាត្រូវបានបង្វែរទៅរកការអភិវឌ្ឍន៍ប្រព័ន្ធអេកូឡូស៊ីផលិតកម្មការពារជាតិនៅក្នុងប្រទេសដោយខ្លួនឯង»។

សព្វថ្ងៃនេះ ថវិកាមួយផ្នែកធំដែលបានកំណត់សម្រាប់ការទិញឧបករណ៍ការពារជាតិកំពុងត្រូវបានចំណាយលើការទិញពីក្រុមហ៊ុនឥណ្ឌា។ក្នុងរយៈពេលបួនប្រាំឆ្នាំចុងក្រោយនេះ ការនាំចូលផ្នែកការពារជាតិរបស់ឥណ្ឌាបានធ្លាក់ចុះប្រហែល ២១ ភាគរយ។

ទោះបីជាគោលនយោបាយរបស់ទីក្រុងញូវដេលី ក្នុងការកាត់បន្ថយការពឹងផ្អែករបស់ខ្លួនលើការផ្គត់ផ្គង់អាវុធពីបរទេសដោយការអភិវឌ្ឍវិស័យការពារជាតិក្នុងស្រុក និងការធ្វើពិពិធកម្មការនាំចូលអាវុធក៏ដោយ ក៏ទីក្រុងម៉ូស្គូនៅតែជាដៃគូដ៏សំខាន់របស់ខ្លួន ដោយបំពេញតម្រូវការស្ទើរតែពាក់កណ្តាលក្នុងរយៈពេលប្រាំឆ្នាំចុងក្រោយនេះ។

រុស្ស៊ីជាប្រទេសផ្តល់អាវុធដ៏សំខាន់ដល់ឥណ្ឌាជាយូរមកហើយ ជាពិសេសប្រព័ន្ធសព្វាវុធដ៏ស្មុគស្មាញដូចជាយន្តហោះចម្បាំង និងនាវាមុជទឹក។ ចាប់តាំងពីទស្សវត្សឆ្នាំ ២០០០ រុស្ស៊ីបានក្លាយទៅជាអ្នកលក់អាវុធច្រើនជាងគេទៅឱ្យទីក្រុងញូវដែលី។

សហរដ្ឋអាមេរិក អ៊ីស្រាអែល និងចក្រភពអង់គ្លេស ក៏ស្ថិតក្នុងចំណោមអ្នកផ្គត់ផ្គង់ដ៏សំខាន់ផងដែរ។ កាលពីដើមឆ្នាំនេះ រដ្ឋាភិបាលសហរដ្ឋអាមេរិកបានចោទប្រកាន់ថា បានព្យាយាមជួយឥណ្ឌាឱ្យយឺតយ៉ាវក្នុងកិច្ចសហប្រតិបត្តិការការពារជាតិរបស់ខ្លួនជាមួយរុស្ស៊ី ដោយផ្តល់កញ្ចប់ជំនួយយោធាដល់ទីក្រុងញូវដែលី ដែលអាចមានតម្លៃដល់ទៅ ៥០០ លានដុល្លារ នេះបើយោងតាម Bloomberg ៕

Khcct banner

អត្ថបទទាក់ទង