Foton on ads news final
Cct850x100 1
Cc time 1800 x 300
San house

ក្រុមអ្នកតវ៉ានៅស្រីលង្ការំពឹងថា«ប្រធានាធិបតីថ្មីនឹងមានជំនាញខាងសេដ្ឋកិច្ច»

អន្តរជាតិ
/
អ្នកយកព័ត៌មាន:
លី ម៉ាលីង
/
ក្រុមអ្នកតវ៉ានៅស្រីលង្ការំពឹងថា«ប្រធានាធិបតីថ្មីនឹងមានជំនាញខាងសេដ្ឋកិច្ច» ប្រភពរូប៖ ស៊ីស៊ីធីវី

ស្រីលង្កា៖ ក្រុមអ្នកតវ៉ានៅក្នុងប្រទេសស្រីលង្កាបាននិយាយថា ពួកគេកំពុងទន្ទឹងរង់ចាំប្រធានាធិបតីថ្មីដែលចេះផ្នែកសេដ្ឋកិច្ច និងអាចធ្វើឲ្យប្រទេសចេញពីវិបត្តិបច្ចុប្បន្ន។

នាយករដ្ឋមន្ត្រីស្រីលង្កាលោក Ranil Wickremesinghe បានស្បថចូលកាន់តំណែង ជាប្រធានាធិបតីបណ្តោះអាសន្ននៅចំពោះមុខប្រធានយុត្តិធម៌កាលពីថ្ងៃសុក្រ បន្ទាប់ពីការលាលែងពីតំណែងរបស់ អតីតប្រធានាធិបតី Gotabaya Rajapaksa នេះបើយោងតាមការិយាល័យនាយករដ្ឋមន្ត្រី។

បន្ទាប់ពីឡើងកាន់តំណែងជាប្រធានាធិបតីបណ្តោះអាសន្ន លោក Wickremesinghe បាននិយាយថា លោកប្តេជ្ញាការពារលទ្ធិប្រជាធិបតេយ្យ និងធ្វើសកម្មភាពស្របតាមរដ្ឋធម្មនុញ្ញ។ សារច្បាស់លាស់មួយនៅក្នុងសុន្ទរកថារបស់លោកទៅកាន់ប្រទេសជាតិ គឺថាច្បាប់និងសណ្តាប់ធ្នាប់ត្រូវតែបានស្តារឡើងវិញដើម្បីឱ្យប្រទេសចេញពីវិបត្តិសេដ្ឋកិច្ច។

ការតវ៉ាប្រឆាំងរដ្ឋាភិបាល ដែលបង្កឡើងដោយវិបត្តិសេដ្ឋកិច្ចដ៏អាក្រក់បំផុត បាននាំឱ្យមានការផ្លាស់ប្តូរនេះនៅក្នុងប្រព័ន្ធនយោបាយ។ បាតុករដែលនៅតាមផ្លូវអស់រយៈពេលជាងបីខែ បានដកដង្ហើមធំជាមួយព័ត៌មាននេះ ប៉ុន្តែពួកគេបាននិយាយថា ការប្រយុទ្ធមិនទាន់ចប់ទេ រហូតដល់ប្រធានាធិបតីថ្មីចូលកាន់តំណែង។

អ្នកតវ៉ាបាននិយាយថា៖ «ខ្ញុំត្រូវការប្រធានាធិបតីថ្មី ជាអ្នកមានចំណេះដឹងផ្នែកសេដ្ឋកិច្ចដ៏ល្អដែលយើងត្រូវការ»។

សភានឹងកោះប្រជុំឡើងវិញនៅថ្ងៃសៅរ៍ ដើម្បីចាប់ផ្តើមដំណើរការបោះឆ្នោតជ្រើសរើសប្រធានាធិបតីថ្មី។ ប្រធានាធិបតីថ្មីត្រូវបានគេរំពឹងថា នឹងត្រូវជាប់ឆ្នោតនៅថ្ងៃទី ២០ ខែកក្កដា ហើយការតែងតាំងនឹងត្រូវដាក់មួយថ្ងៃមុនពេលនោះ។

ទោះបីជានៅតែមានការប្រកាសជាផ្លូវការកំពុងរង់ចាំក៏ដោយ ភាគច្រើនជឿថា បេក្ខជនសំខាន់ទាំងបីនឹងក្លាយជាប្រធានាធិបតីស្តីទី Wickremesinghe, មេដឹកនាំគណបក្ស United National; លោក Dullas Alahapperuma អតីតរដ្ឋមន្ត្រីក្រសួងព័ត៌មាន៕

Khcct banner

អត្ថបទទាក់ទង