Foton on ads news final
Cct850x100 1
Cc time 1800 x 300
San house

ទេសចរអន្ដរជាតិចូលមកកម្ពុជា កើនឡើងជាង៥០ម៉ឺននាក់នៅដើមឆ្នាំ២០២២

សេដ្ឋកិច្ច
/
អ្នកយកព័ត៌មាន:
ជួន រស្មី
/
រូបភាព៖ ក្រសួងទេសចរណ៍

ភ្នំពេញ៖ គិតត្រឹមឆមាសទី១ ឆ្នាំ២០២២នេះ ទេសចរអន្ដរជាតិចូលមកកម្ពុជាមានចំនួនប្រមាណជាង៥០ម៉ឺននាក់ មានការកើនឡើងរហូតដល់ ៣៩៤% ធៀបរយៈពេលដូចគ្នាឆ្នាំ២០២១ ដោយក្នុងមួយថ្ងៃៗមានភ្ញៀវទេសចរអន្ដរជាតិចូលមកប្រមាណជា ៥០០០ ទៅ ៥៦០០នាក់។ តាមការប៉ាន់ស្មាន ពេញមួយឆ្នាំ២០២២នេះ កម្ពុជាអាចនិងទទួលបានទេសចរណ៍អន្ដរជាតិប្រមាណ ១លាននាក់ ឬអាចច្រើនជាងនេះ។

រយៈពេល២ឆ្នាំ នៃវិបត្តិនៃជំងឺកូវីដ-១៩ បានជះឥទ្ធិពលយ៉ាងអាក្រក់មកលើសង្គម-សេដ្ឋកិច្ច ជាពិសេសវិស័យទេសចរណ៍ ដែលធ្វើឱ្យមានការធ្លាក់ចុះយ៉ាងគំហុក នៃការធ្វើដំណើររបស់ភ្ញៀវទេសចរ ទាំងក្នុងក្នុងកម្រិតផ្ទៃក្នុងប្រទេស តំបន់ ក៏ដូចជាសកលលោកទាំងមូល។

ទោះបីយ៉ាងណាក៏ដោយ ប្រទេសកម្ពុជា ជាប្រទេសដំបូងក្នុងតំបន់អាស៊ានដែលបានបើកប្រទេសក្នុងការទេសចរអន្ដរជាតិឡើងវិញ ដែលធ្វើឱ្យក្នុង ឆមាសទី១ ឆ្នាំ២០២២ ទេសចរអន្ដរជាតិចូលមកកម្ពុជាមានការកើនឡើងរហូតដល់ ៣៩៤% ធៀបរយៈពេលដូចគ្នាឆ្នាំ២០២១ រហូតដល់ ៣៩៤% ធៀបរយៈពេលដូចគ្នាឆ្នាំ២០២១។ ភាគច្រើននៃភ្ញៀវទេសចរអន្ដរជាតិ មកពីប្រទេសវៀតណាម ថៃ ចិន អាមេរិក ឥណ្ឌូនេស៊ី បារាំង កូរ៉េ ម៉ាឡេស៊ី អង់គ្លេស និងប្រទេសអូស្ត្រាលី ជាដើម។

ជាមួយគ្នានេះដែរ តាមការប៉ាន់ស្មាន ពេញមួយឆ្នាំ២០២២នេះ កម្ពុជាអាចនិងទទួលបានទេសចរណ៍អន្ដរជាតិប្រមាណ ១លាននាក់ ឬអាចច្រើនជាងនេះ ហើយនិងប្រមាណ ២លាននាក់ នៅក្នុងឆ្នាំ២០២៣ ខាងមុខ ដែលជាឆ្នាំកម្ពុជានឹងធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម៕

រូបភាព៖ ក្រសួងទេសចរណ៍
រូបភាព៖ ក្រសួងទេសចរណ៍


Khcct banner

អត្ថបទទាក់ទង