Foton on ads news final
Cct850x100 1
Cc time 1800 x 300
San house

អ្នកពន្លត់អគ្គីភ័យរាប់រយនាក់បានបញ្ជូនទៅពន្លត់ភ្លើងឆេះព្រៃនៅភាគខាងត្បូងប្រទេសបារាំង

អន្តរជាតិ
/
អ្នកយកព័ត៌មាន:
លី ម៉ាលីង
/
អ្នកពន្លត់អគ្គីភ័យរាប់រយនាក់បានបញ្ជូនទៅពន្លត់ភ្លើងឆេះព្រៃនៅភាគខាងត្បូងប្រទេសបារាំង ប្រភពរូប៖ Al Jazeera

បារាំង៖ ភ្លើងឆេះព្រៃនៅក្រុង Cevennes និងកន្លែងផ្សេងទៀតនៅភាគខាងត្បូងប្រទេសបារាំង បានបន្តរីករាលដាលដោយសារខ្យល់បក់ខ្លាំងនៅថ្ងៃទី៧ កក្កដា។ គិតត្រឹមថ្ងៃទី ៨ អ្នកពន្លត់អគ្គីភ័យប្រហែល ៩៥០ នាក់ រថយន្តពន្លត់អគ្គីភ័យ ១៤០ គ្រឿង និងយន្តហោះពន្លត់អគ្គីភ័យចំនួន ១០ គ្រឿងត្រូវបានដាក់ចូលទៅក្នុងប្រតិបត្តិការពន្លត់អគ្គិភ័យនៅក្នុងតំបន់ Severnis ។

យោងតាមរបាយការណ៍របស់ប្រព័ន្ធផ្សព្វផ្សាយបារាំង ភ្លើងឆេះព្រៃបានឆាបឆេះនៅតំបន់ Severnis នៅម៉ោងប្រហែល ៥ ថ្ងៃទី ៧ កក្កដា។ រដ្ឋាភិបាលក្នុងតំបន់ បានប្រកាសនៅយប់នោះថា មនុស្សប្រហែល ១០០ នាក់ត្រូវបានជម្លៀសចេញពីភូមិ Boldzac ភាគខាងជើងនៃទីក្រុង Severnis ។ ភ្លើងបានលេបត្របាក់ដីព្រៃប្រមាណ ៦០០ ហិកតានៅតំបន់នោះ។

អ្នកពន្លត់អគ្គីភ័យ ក៏កំពុងឆ្លើយតបទៅនឹងភ្លើងឆេះព្រៃនៅតំបន់ផ្សេងទៀតជាច្រើននៃភាគខាងត្បូងប្រទេសបារាំង។ យោងតាមរបាយការណ៍ខេត្ត អ្នកពន្លត់អគ្គីភ័យចំនួន ១២០ នាក់ យន្តហោះពន្លត់អគ្គីភ័យជាច្រើនគ្រឿង និងឧទ្ធម្ភាគចក្រមួយគ្រឿង ត្រូវបានប្រើដើម្បីពន្លត់ភ្លើងនៅអគារលំនៅដ្ឋានចំនួន ៨ និងអគារអាជីវកម្មជាច្រើននៅជាយក្រុង Arles ។

យោងតាមលោក Davy Gade ប្រធាននាយកដ្ឋានអគ្គីភ័យArles បាននិយាយថា ដោយសារតែអាកាសធាតុស្ងួតជាបន្តបន្ទាប់ចាប់តាំងពីខែកក្កដាមក រុក្ខជាតិបានក្រៀមងាប់ជាងមុន បើប្រៀបធៀបនឹងរយៈពេលដូចគ្នាកាលពីឆ្នាំមុន។ លើសពីនេះ ខ្យល់បក់បោកពីទិសពាយ័ព្យនៅពេលនេះ ធ្វើឱ្យភ្លើងឆេះព្រៃកាន់តែរីករាលដាលបន្ថែមទៀត។

លោក Gade បានបញ្ជាក់ថា ៩០ ភាគរយនៃភ្លើងឆេះព្រៃ គឺបណ្តាលមកពីការធ្វេសប្រហែសរបស់មនុស្ស ដែលជាធម្មតាបណ្តាលមកពីការបោះកន្ទុយបារី ឬកត្តាផ្សេងទៀត។ ក្នុងដំណាក់កាលនេះ ព្រៃភ្នំភាគច្រើនត្រូវបានបិទសម្រាប់មនុស្ស៕

Khcct banner

អត្ថបទទាក់ទង