Foton on ads news final
Cct850x100 1
Cc time 1800 x 300
San house

យុវជន២៣រូបបញ្ចប់វគ្គបណ្តុះបណ្តាលស្តីពីសេវាកម្មម្ហូបអាហារ និងភេសជ្ជៈ ប្រចាំខេត្តពោធិ៍សាត់

សេដ្ឋកិច្ច
/
អ្នកយកព័ត៌មាន:
ហួ ឆេងស៊ីម
/
សិក្ខាកាមសរុបចំនួន២៣នាក់ដែលចូលរួមនៅក្នុងវគ្គបណ្តុះបណ្តាលបដិសណ្ឋារកិច្ច ហូកា (រូបភាព៖ ក្រសួងទេសចរណ៍)

ភ្នំពេញ៖ សិក្ខាកាមសរុបចំនួន២៣នាក់ (ស្រី១៨នាក់) បានបញ្ចប់វគ្គបណ្តុះបណ្តាលបដិសណ្ឋារកិច្ច ហូកា សម្រាប់បុគ្គលិកដែលមានជំនាញទាប និងកំពុងបម្រើកាងារនៅតាមអាជីវកម្ម។ វគ្គបណ្ដុះបណ្ដាលនេះ ធ្វើឡើងដើម្បីលើកកម្ពស់ជំនាញ និងពង្រឹងសមត្ថភាពក្នុងការផ្តល់សេវាកម្មកាន់តែប្រសើរ។ នេះបើតាមសេចក្តីជូនដំណឹងរបស់ក្រសួងទេសចរណ៍ៅថ្ងៃទី០៤ ខែកក្កដា ឆ្នាំ២០២២។

បើតាមសេចក្ដីជូនដំណឹង ចាប់ពីថ្ងៃទី២៧ ខែមិថុនា ដល់ថ្ងៃទី០២ ខែកក្កដា ឆ្នាំ២០២២ មន្ទីរទេសចរណ៍ខេត្តពោធិ៍សាត់ ក្នុងគម្រោងបណ្តុះបណ្តាលបដិសណ្ឋារកិច្ច ហូកា (HoKa-UNIDO “AFTER” Project) បានរៀបចំវគ្គបណ្តុះបណ្តាលបដិសណ្ឋារកិច្ច ហូកា សម្រាប់បុគ្គលិកដែលមានជំនាញទាប និងកំពុងបម្រើកាងារនៅតាមអាជីវកម្ម ដើម្បីលើកកម្ពស់ជំនាញ និងពង្រឹងសមត្ថភាពក្នុងការផ្តល់សេវាកម្មកាន់តែប្រសើរ។

ការបណ្តុះបណ្តាលបដិសណ្ឋារកិច្ច ហូកា លើជំនាញសេវាកម្មម្ហូបអាហារ និងភេសជ្ជៈ ដោយផ្តោតលើចំណេះដឹង និងជំនាញរួមមាន៖ (១) ការងាររបស់ខ្ញុំក្នុងផ្នែកសេវាកម្មម្ហូបអាហារនិងភេសជ្ជៈ (២) ការប្រាស្រ័យទាក់ទងក្នុងវិស័យបដិសណ្ឋារកិច្ច (៣) ប្រណីតភាពសេវាកម្ម (៤) សម្ភារបរិក្ខារ នៅក្នុងភោជនីយដ្ឋាន (៥) ចំណេះដឹងលើបញ្ជីមុខម្ហូប (៦) ចំណេះដឹងលើភេសជ្ជៈ (៧) ជំនាញលក់ (៨) ជំនាញផ្តល់សេវាកម្ម (៩) សេវាកម្មភេសជ្ជៈ (១០) លំដាប់លំដោយក្នុងការផ្តល់សេវាកម្មនៅក្នុងភោជនីយដ្ឋាន (១១)នីតិវិធីក្នុងភោជនីយដ្ឋាន និង (១២)អនាម័យ សន្តិសុខ និងសុវត្ថិភាព៕

Khcct banner

អត្ថបទទាក់ទង