កងកម្លាំងរុស្ស៊ីកំពុងបន្តការវាយប្រហារលើរោងចក្រគីមី Azot

រុស្ស៊ី៖ កងកម្លាំងគាំទ្ររុស្ស៊ី កំពុងបន្តការវាយប្រហាររបស់ពួកគេទៅលើរោងចក្រគីមី Azot នៅទីក្រុង Severodonetsk នៅ Luhansk ខណៈតំបន់ជុំវិញរោងចក្រនេះកំពុងរងការបំផ្លិចបំផ្លាញយ៉ាងខ្លាំង។

កងទ័ពមកពីកងកម្លាំងពិសេស Chechen Akhmat និង Luhansk បាននិងកំពុងបន្តវាយប្រហារឆ្ពោះទៅមុខក្នុងការប្រយុទ្ធប្រឆាំងនឹងកងកម្លាំងអ៊ុយក្រែន និងទាហានស៊ីឈ្នួលបរទេស ដោយមានទាហានកាំភ្លើងធំប្រើប្រាស់រូបភាពដែលទទួលបានពីដ្រូន ដើម្បីឱ្យពួកគេអាចរុករកជុំវិញរោងចក្រ។

មេបញ្ជាការម្នាក់មកពីកងកម្លាំងពិសេស Chechen Akhmat បាននិយាយថា នៅកណ្តាលទីក្រុង Severodonetsk ផ្លូវនានាបានទទេ ដោយមានអគារជាច្រើនបានរងការខូចខាតយ៉ាងធ្ងន់ធ្ងរពីការទម្លាក់គ្រាប់បែកដ៏ខ្លាំង ហើយអគារខ្លះទៀតត្រូវបានបំផ្លាញទាំងស្រុង។

ជនស៊ីវិលប្រហែល ១,០០០ នាក់ត្រូវបានគេគិតថា កំពុងជ្រកនៅក្រោមដីក្នុង និងជុំវិញរោងចក្រ។ មនុស្សជាច្រើនបានបែកពីសាច់ញាតិរបស់ពួកគេ ដោយសារព្រួយបារម្ភអំពីស្ថានភាព។ ទន្ទឹមនឹងនេះ មន្ត្រី និងបុគ្គលិកនៅ Severodonetsk នៃសេវាសន្តិសុខរបស់អ៊ុយក្រែន បានរត់ចេញពីការិយាល័យដោយបន្សល់ទុកកុំព្យូទ័រ ឯកសារនៅរាយប៉ាយពាសពេញតុ ដែលមុនពេលការវាយប្រហារ។

មេបញ្ជាការ Araudinov នៃកងកម្លាំងពិសេស Chechen បាននិយាយថា កងកម្លាំងគាំទ្ររុស្ស៊ីកំពុងប្រយុទ្ធជាមួយទាហានស៊ីឈ្នួលបរទេសជើងចាស់ជាច្រើននាក់ ដែលកំពុងប្រតិបត្តិការនៅក្រោមអង្គការសន្ធិសញ្ញាអាត្លង់ទិកខាងជើង (NATO) ដោយចោទប្រកាន់ពួកគេពីបទបង្កការខូចខាតយ៉ាងទូលំទូលាយនៅទូទាំងតំបន់៕