ណាតូ៖ ប្រធានអង្គការណាតូ បានផ្តល់សញ្ញាថា សម្ព័ន្ធមិត្តមិនទាន់កំណត់ពេលវេលាណាមួយ ក្នុងការទទួលយកបំណងចង់ចូលរួមជាណាតូរបស់ហ្វាំងឡង់ និងស៊ុយអែតទេ ប៉ុន្តែព្យាយាមលុបបំបាត់ភាពខុសគ្នារវាងពួកគេ និងតួកគីយ៉េឱ្យបានឆាប់តាមដែលអាចធ្វើទៅបាន។ លោកបានធ្វើការកត់សម្គាល់បែបនេះ នៅក្នុងសន្និសីទសារព័ត៌មានរួម ជាមួយអគ្គលេខាធិការអង្គការណាតូ លោក Jens Stoltenberg ក្នុងទីក្រុង Helsinki កាលពីថ្ងៃអាទិត្យ។
លោក Stoltenberg បាននិយាយថា កិច្ចប្រជុំកំពូលនាពេលខាងមុខនៃសម្ព័ន្ធមិត្តណាតូ ដែលគ្រោងធ្វើនៅចុងខែមិថុនា មិនត្រូវបានគេមើលឃើញថាជាថ្ងៃផុតកំណត់ក្នុងការទទួលយកហ្វាំងឡង់ និង ស៊ុយអែតនាពេលអនាគតនោះទេ។
លោក Stoltenberg បានបង្ហាញពីការផ្លាស់ប្តូរជាក់ស្តែងនៃគោលជំហររបស់អង្គការណាតូ លើពេលវេលាសម្រាប់ការឡើងកាន់តំណែងជាសក្តានុពលរបស់ប្រទេសហ្វាំងឡង់ និងស៊ុយអែត។ កាលពីដើមសប្តាហ៍នេះ អគ្គលេខាធិការរងនៃប្លុកណាតូលោកស្រី Camille Grand បានសម្តែងក្តីសង្ឃឹមថា ភាពខុសគ្នារវាងប្រទេសតួកគីយ៉េ និងប្រទេសសមាជិកអនាគតទាំងពីរនឹងត្រូវបានដោះស្រាយមុនពេលកិច្ចប្រជុំកំពូល។
ប្រទេសហ្វាំងឡង់ និងស៊ុយអែតបានប្រទាញប្រទង់គ្នា ដើម្បីចូលរួមជាមួយអង្គការណាតូ ចំពេលមានជម្លោះដែលកំពុងបន្តរវាងរុស្ស៊ី និងអ៊ុយក្រែន។ ខណៈដែលប្រទេសទាំងពីរ បានរក្សាទំនាក់ទំនងជិតស្និទ្ធ និងកិច្ចសហប្រតិបត្តិការយោធាជាមួយប្លុកដែលដឹកនាំដោយសហរដ្ឋអាមេរិក។
ទោះជាយ៉ាងណាក៏ដោយ ការចូលជាសក្តានុពលរបស់ប្រទេសទាំងពីរទៅកាន់ប្លុកនេះ បានឋិតនៅក្នុងភាពជាប់គាំង ខណៈប្រទេសតួកគីយ៉េជាសមាជិកមួយរបស់អង្គការណាតូ បានប្រឆាំងយ៉ាងម៉ឺងម៉ាត់ចំពោះបំណងចង់ចូលជាសមាជិកភាពរបស់ណាតូ។
ប្រធានាធិបតីហ្វាំងឡង់លោក Sauli Niinisto បាននិយាយថា ប្រទេសហ្វាំងឡង់ នឹងមិនចូលរួមជាមួយណាតូដោយគ្មានប្រទេសស៊ុយអែតទេ។ លោកបានធ្វើការកត់សម្គាល់បែបនៅក្នុងសន្និសីទសារព័ត៌មានរួម ជាមួយអគ្គលេខាធិការអង្គការណាតូ លោក Jens Stoltenberg ក្នុងទីក្រុង Helsinki កាលពីថ្ងៃអាទិត្យ ៕
