Cc time
Cct850x100 1
Sme laon web banner(1800 x 300)

ក្រសួងអប់រំរៀបចំប្រកួតកីឡាចំនួន១២ ដើម្បីត្រៀមខ្លួនសម្រាប់«ស៊ីហ្គេម២០២៣»

ព័ត៌មានជាតិ
/
អ្នកយកព័ត៌មាន:
ជួន រស្មី
/

ភ្នំពេញ៖ ក្រសួងអប់រំ និងសហព័ន្ធកីឡាសិស្ស-និស្សិតកម្ពុជា រួមសហការជាមួយសហព័ន្ធកីឡាជាតិចំនួន១២ នឹងរៀបចំការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំ២០២២។ ការប្រកួតនេះប្រព្រឹត្តទៅនៅក្នុងក្រុងភ្នំពេញ នាថ្ងៃទី២១-៣០ មិថុនា ខាងមុខនេះ។

ការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំ២០២២នេះ ធ្វើឡើងដើម្បីជ្រើសរើសនិស្សិតដែលមានទេពកោសល្យតំណាងជាតិចូលរួមការប្រកួតកីលាសាកលវិទ្យាល័យជាលក្ខណៈអន្ដរជាតិ និងយកការប្រកួតនេះជាការដ្ឋានសម្រាប់ត្រៀមលក្ខណៈធ្វើជាម្ចាស់ផ្ទះនៃការប្រកួតកីឡាស៊ីហ្គេម លើកទី៣២ ឆ្នាំ២០២៣។

ការប្រកួតនេះមិនត្រឹមតែជាលើកកម្ពស់គុណភាពនៃការរៀបចំនៃការប្រកួតត្រៀមលក្ខណៈសម្រាប់ឆ្នាំ២០២៣ប៉ុណ្ណោះទេ ថែមទាំងផ្ដល់ឱកាសដល់មន្ត្រីបច្ចេកទេស ដែលសហព័ន្ធកីឡាជាតិបានបណ្ដុះបណ្ដាល បានអនុវត្តការងារជាក់ស្ដែង ដើម្បីទទួលបានចំណេះដឹង និងបទពិសោធន៍ទៀតផង។

គួរបញ្ជាក់ថា ការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំ២០២២ ប្រព្រឹត្តទៅនៅក្នុងក្រុងភ្នំពេញ នាថ្ងៃទី២១-៣០ មិថុនា មាន១២ប្រភេទកីឡា និង៩៤វិញ្ញាសា៕


ពាក្យទាក់ទង: ស៊ីហ្គេម២០២៣
Khcct banner

អត្ថបទទាក់ទង