Cc time
Cct850x100 1
Itt 0  web banner

ប៉ូលីសថៃឃាត់ខ្លួនមនុស្ស៥នាក់និងដកហូតថ្នាំញៀននៅខេត្តឈៀងម៉ៃ

អន្តរជាតិ
/
អ្នកយកព័ត៌មាន:
កូ រដ្ឋា
/
កញ្ចប់​ថ្នាំ​ញៀន​សរុប​ចំនួន​មួយ​លាន​គ្រាប់​ក្នុង​រថយន្ត​ភីកអាប់​មួយ​គ្រឿង ហើយ​ជនសង្ស័យ​៤នាក់​ត្រូវ​បាន​ចាប់​ខ្លួន​នៅ​ប៉ុស្តិ៍​ត្រួត​ពិនិត្យ​ក្នុង​សង្កាត់​ឈៀង​ដាវ នៃ​ខេត្ត​ឈៀងម៉ៃ កាល​ពី​ថ្ងៃ​ទី​២ ខែ​ឧសភា

ឈៀងម៉ៃ ៖ ជនសង្ស័យ៥នាក់ត្រូវបានចាប់ខ្លួន និងដកហូតថ្នាំមេតំហ្វេតាមីន១លានគ្រាប់ បន្ទាប់ពីប៉ូលិសបង្ក្រាបគ្រឿងញៀនក្នុងស្រុកឈៀងដាវនៃខេត្តឈៀងម៉ៃ។

បើតាមន្រ្តីបានឲ្យដឹងថា កាលពីថ្ងៃទី ២ ខែឧសភា ប៉ូលីសបានចាប់ខ្លួនមនុស្សប្រុសស្រី ៥ នាក់គឺជនល្មើសឈ្មោះ Anirut Waharak អាយុ ៣៣ ឆ្នាំ Preecha Rodjit អាយុ ២៩ ឆ្នាំ Patcharaporn Khiewsod អាយុ ៣៨ ឆ្នាំ និង Thanyalak Rodjit អាយុ ៣១ ឆ្នាំនៅប៉ុស្តិ៍ត្រួតពិនិត្យផ្លូវក្នុង តាមបុន មេណា នៃប្រទេសថៃ ។

លោកឧត្តមសេនីយ៍ទោ ភី យ៉ា ស្នងការនគរបាលខេត្តចំនួន៥ បាននិយាយនៅក្នុងសន្និសីទសារព័ត៌មានមួយកាលពីថ្ងៃសុក្រថា ថ្នាំញៀនមេតំហ្វេតាមីនចំនួនមួយលានគ្រាប់ត្រូវបានរកឃើញនៅក្នុងរថយន្តភីកអាប់របស់ពួកគេ។ ការស៊ើបអង្កេតបន្ថែមបាននាំឱ្យប៉ូលីសទទួលបានដីការបស់តុលាការសម្រាប់ការចាប់ខ្លួនបុរសម្នាក់ទៀតឈ្មោះ Ratrawee Srikantha និងស្ត្រីម្នាក់ឈ្មោះ Natthaya Boonwaranat ដោយ នាង Natthaya ត្រូវបានចាប់ខ្លួនកាលពីថ្ងៃទី៣ ខែឧសភា។

ជាមួយគ្នានេះដែរចាប់ពីថ្ងៃទី ១ ខែតុលាឆ្នាំមុនដល់ថ្ងៃទី ៣០ ខែមេសាឆ្នាំនេះ ជនសង្ស័យគ្រឿងញៀន ១៦,៤៦៩ នាក់ក្នុង ២០,២២៨ ករណីត្រូវបានចាប់ខ្លួន។ នាយឧត្តមសេនីយ៍ ភី យ៉ា បាននិយាយថា ក្នុងចំណោមនោះ ១០៧ករណី គឺជាករណីសំខាន់ៗ។ លោកបានបន្តថា ក្នុងប្រតិបត្តិការទាំងនេះ ថ្នាំញៀនមេតំហ្វេតាមីន ១១២,៨៩ លានគ្រាប់ មេតំហ្វេតាមីនគ្រីស្តាល់ ៧០២ គីឡូក្រាម ហេរ៉ូអ៊ីន ៤៧ គីឡូក្រាម អាភៀន ១៤១ គីឡូក្រាម និងកេតាមីន ១២៦ គីឡូក្រាមត្រូវបានរកឃើញនឹងរក្សាទុករង់ចាំបញ្ជាថ្នាក់លើ៕

Khcct banner

អត្ថបទទាក់ទង