Cc time
Cct850x100 1
Itt 0  web banner

ក្រុមហ៊ុនទេសចរណ៍វៀតណាមប្រឈមមុខបញ្ហាអវត្តមានភ្ញៀវទេសចរចិន

អន្តរជាតិ
/
អ្នកយកព័ត៌មាន:
កូ រដ្ឋា
/
ភ្ញៀវទេសចរចិន និងបរទេសផ្សេងទៀត ជិះទូកកម្សាន្តបេតិកភណ្ឌធម្មជាតិពិភពលោករបស់អង្គការយូណេស្កូ នៅឈូងសមុទ្រ Ha Long ភាគខាងជើងវៀតណាម ឆ្នាំ ២០១៨

ហូជីមិញ៖ ក្រុមហ៊ុនទេសចរណ៍ និងសណ្ឋាគារនៅក្នុងខេត្ត Khanh Hoa និង Quang Ninh ដែលពឹងផ្អែកខ្លាំងលើភ្ញៀវទេសចរចិន មានការព្រួយបារម្ភថាអវត្តមានរបស់ពួកគេអាចជំរុញឱ្យពួកគេក្ស័យធន ដោយសារតែវិបត្តិកូវីដនៅចិនពុំទាន់ធូរស្បើយ។

បើតាមមន្រ្តីវៀតណាមបឲ្យដឹងថា ទោះបីជាប្រទេសវៀតណាមបានបើកទេសចរណ៍អន្តរជាតិឡើងវិញនៅពាក់កណ្តាលខែមីនាក៏ដោយ ប៉ុន្តែអ្នកទេសចរចិនមិនទាន់អាចទៅទស្សនាប្រទេសនេះបានទេ ដោយសារប្រទេសចិននៅតែបន្តគោលនយោបាយសូន្យកូវីដ១៩ ជាមួយនឹងវិធានការបិទខ្ទប់ និងការរឹតបន្តឹងការចូលយ៉ាងតឹងរ៉ឹង។ ឈូងសមុទ្រ Ha Long នៅខេត្ត Quang Ninh ភាគខាងជើងជាប់ព្រំដែនប្រទេសចិន គឺជាគោលដៅទេសចរណ៍ពេញនិយមក្នុងចំណោមភ្ញៀវចិន។

ដោយឡែកលោក Ngo Van Nam នាយកក្រុមហ៊ុន Quang Nam Trade and Tour Company បាននិយាយថា "កង្វះអ្នកទេសចរចិនបានធ្វើឱ្យក្រុមហ៊ុនរបស់លោកបាត់បង់ ៦០-៧០ ភាគរយនៃប្រាក់ចំណូលរបស់ខ្លួន ហើយលោកខ្លាចថាយើងមិនអាចទុកបានយូរទេ ហើយនឹងក្ស័យធន" ដែលកំពុងដំណើរការតែទូកទេសចរណ៍ចំនួន ៤ ជំនួសឱ្យ ១០ ដែលលោកធ្លាប់ធ្វើ។

យោងតាមសមាគមទូកទេសចរណ៍ Ha Long ៧០ ភាគរយនៃទូកទេសចរណ៍ចំនួន ៥០០ នៅឈូងសមុទ្រដ៏ល្បីលើពិភពលោកបច្ចុប្បន្ននៅទំនេរ។ លោក Nam បាននិយាយថា មុនពេលជំងឺរាតត្បាត កូវីដ១៩ ភ្ញៀវទេសចរចិនមានចំនួន ៦០ ភាគរយនៃអតិថិជនរបស់គាត់ ហើយពួកគេបានទៅលេងឆ្នេរសមុទ្រនៅចន្លោះខែសីហាដល់ខែមេសា។ ខណៈពេលដែលអាជីវកម្មមានភាពយឺតយ៉ាវ លោក Nam នៅតែត្រូវចំណាយប្រាក់ច្រើនជាង ៧០ លានដុងក្នុងមួយខែនៅក្នុងប្រាក់ខែបុគ្គលិក ការថែទាំ ថ្លៃជិះយន្តហោះ និងប្រាក់កម្ចីធនាគារ។ លោក Nam បាននិយាយថា ទោះបីជាទេសចរណ៍ក្នុងស្រុកបានងើបឡើងវិញក៏ដោយ ប៉ុន្តែអ្នកទេសចរមកលេង Ha Long នៅចុងសប្តាហ៍ ហើយទូករបស់គាត់នៅតែទំនេរនៅថ្ងៃធ្វើការ។

លោក Ngo Thanh Tung នាយកក្រុមហ៊ុនទេសចរណ៍ Tung Van បាននិយាយថា លោកមានទូកទេសចរណ៍ចំនួន ១១ ប៉ុន្តែមានតែ ៤ គ្រឿងប៉ុណ្ណោះដែលបានបើកទូកឡើងវិញ។ លោក Tung បាននិយាយថា គាត់មានចិត្តអន្ទះសារចំពោះការត្រឡប់មកវិញនៃភ្ញៀវទេសចរចិន ដែលមានចំនួន ៩០ ភាគរយនៃអ្នកដំណើររបស់គាត់។ មុនពេលជំងឺរាតត្បាត ទូកនីមួយៗបានបម្រើភ្ញៀវទេសចរចិនពីរក្រុមជារៀងរាល់ថ្ងៃ។គាត់បាននិយាយថា "ខ្ញុំទើបតែលក់សណ្ឋាគារលំដាប់ផ្កាយពីររបស់ខ្ញុំ ដើម្បីសង្គ្រោះបុគ្គលិករបស់លោក ហើយប្រសិនបើអ្នកទេសចរចិនមិនត្រឡប់មកវិញឆាប់ៗនេះទេ លោកអាចនឹងឈានដល់ការក្ស័យធន" ៕

Khcct banner

អត្ថបទទាក់ទង