Cc time
Cct850x100 1
Itt 0  web banner

ណាតូយល់ព្រមផ្តល់ជំនួយផ្នែកយោធាបន្ថែមទៀតដល់អ៊ុយក្រែន

អន្តរជាតិ
/
អ្នកយកព័ត៌មាន:
លី ម៉ាលីង
/
ណាតូយល់ព្រមផ្តល់ជំនួយផ្នែកយោធាបន្ថែមទៀតដល់អ៊ុយក្រែន ប្រភពរូប៖ ស៊ីស៊ីធីវី

ណាតូ៖ រដ្ឋសមាជិកនៃអង្គការសន្ធិសញ្ញាអាត្លង់ទិកខាងជើង (NATO) បានយល់ព្រមផ្តល់អាវុធបន្ថែមដល់អ៊ុយក្រែន នេះបើយោងតាមការសម្រេចចិត្តដែលបានធ្វើឡើងនៅក្នុងកិច្ចប្រជុំរដ្ឋមន្ត្រីការបរទេសរយៈពេលពីរថ្ងៃ ដែលបានបញ្ចប់កាលពីថ្ងៃព្រហស្បតិ៍នៅទីក្រុងព្រុចសែល។

កិច្ចប្រជុំក្នុងចំណោមរដ្ឋមន្ត្រីការបរទេសនៃរដ្ឋសមាជិកណាតូ ត្រូវបានធ្វើឡើង ដើម្បីពិភាក្សាអំពីការគាំទ្រផ្នែកយោធាបន្ថែមទៀតដល់អ៊ុយក្រែន បើយោងតាមអគ្គលេខាធិការអង្គការណាតូ លោក Jens Stoltenberg រដ្ឋសមាជិកបាននិងកំពុងផ្តល់អាវុធចម្រុះដល់អ៊ុយក្រែន។

លោក Dmytro Kuleba រដ្ឋមន្ត្រីការបរទេសអ៊ុយក្រែន ត្រូវបានអញ្ជើញឱ្យចូលរួមក្នុងកិច្ចប្រជុំ ហើយបានអំពាវនាវឱ្យប្រទេសសមាជិកណាតូ បញ្ជូនអាវុធបន្ថែមទៀត និងផ្តល់ជំនួយយោធាបន្ថែមទៀតដល់អ៊ុយក្រែនឱ្យបានឆាប់តាមដែលអាចធ្វើទៅបាន។ លោក Kuleba ក៏បានអំពាវនាវឲ្យប្រទេសសមាជិកណាតូពង្រឹងទណ្ឌកម្មប្រឆាំងនឹងរុស្ស៊ី។

យោងតាមក្រុមអ្នកវិភាគ រដ្ឋសមាជិកណាតូនៅតែប្រឈមមុខនឹងការខ្វែងគំនិតគ្នាលើបញ្ហាគាំទ្រអ៊ុយក្រែនជាមួយនឹងអាវុធបន្ថែម។ ជាឧទាហរណ៍ ប៉ូឡូញ និងលីទុយអានី បានអំពាវនាវឱ្យអង្គការណាតូ ផ្តល់អាវុធធុនធ្ងន់ដល់អ៊ុយក្រែន ខណៈដែលប្រទេសមួយចំនួន រួមទាំងអាឡឺម៉ង់ បានរក្សាការប្រុងប្រយ័ត្ន និងមិនចង់ចូលរួមក្នុងជម្លោះច្រើនពេក។

អ្នកវិភាគខ្លះជឿថា ការសម្រេចចិត្តរបស់អង្គការ NATO អាចធ្វើឱ្យស្ថានការណ៍បច្ចុប្បន្នកាន់តែអាក្រក់ និងធ្វើឱ្យវិបត្តិមនុស្សធម៌រវាងអ៊ុយក្រែន និងរុស្ស៊ីកាន់តែធ្ងន់ធ្ងរឡើង។

លេខាធិការសារព័ត៌មានរបស់ប្រធានាធិបតីរុស្ស៊ី លោក Dmitry Peskov បាននិយាយកាលពីថ្ងៃព្រហស្បតិ៍ថា ការសម្រេចចិត្តរបស់អង្គការណាតូក្នុងការផ្តល់ការគាំទ្រផ្នែកយោធាបន្ថែមទៀតដល់អ៊ុយក្រែន នឹងមិនជួយទេ ប៉ុន្តែនាំមកនូវផលប៉ះពាល់អវិជ្ជមានដល់ការចរចារុស្ស៊ី-អ៊ុយក្រែន៕

Khcct banner

អត្ថបទទាក់ទង