ចិន៖ កាលពីថ្ងៃទី១៩ខែឧសភា លោក Zhao Lijian អ្នកនាំពាក្យក្រសួងការបរទេសចិនបានថ្លែងថា សេចក្តីព្រាងច្បាប់នៃការសម្រេចចិត្តអំពីជំងឺកូវីដ១៩ ដែលមហាសន្និបាតសុខភាពពិភពលោកកំពុងពិភាក្សានោះគឺខុសគ្នាស្រឡះទៅនឹង “ការពិនិត្យពិភាក្សាអន្តរជាតិ ដោយឯកតោភាគី”អំពីជំងឺឆ្លងដែលលើកឡើងដោយអូស្ត្រាលី ។
លោក Zhao Lijian ស្នើឱ្យភាគីអូស្ត្រាលីអានអត្ថបទដើមដោយយកចិត្តទុកដាក់ តែមិនមែនធ្វើការសន្និដ្ឋានតាមទំនើងចិត្តនោះទេ ។ បន្ថែមពីនេះ សេចក្តីព្រាងច្បាប់នៃការសម្រេចចិត្ត គឺលើកឡើងអំពីការចាប់ផ្តើមវាយតម្លៃក្នុងពេលដ៏សមរម្យតែមិនមែនធ្វើការពិនិត្យពិភាក្សា ឬសំដៅលើប្រទេសណាមួយដោយធ្វើការស៊ើបអង្កេតដើម្បីកំណត់ទោសនោះទេ ពោលតួនាទីដឹកនាំនៃអង្គការសុខភាពពិភពលោក គម្បីរំលឹក និងបូកសរុបនូវបទពិសោធន៍និងមេរៀននៃការងារទប់ទល់នឹងជំងឺឆ្លងក្នុងវិស័យសុខាភិបាលអន្តរជាតិក្រោមការសម្របសម្រួលនៃអង្គការសុខភាពពិភពលោក ។
សូមបញ្ជាក់ថា កាលកាលពីថ្ងៃទី១៨ខែឧសភា កន្លងទៅរដ្ឋមន្ត្រីការបរទេសអូស្ត្រាលីបានថ្លែងថា ប្រទេសជាច្រើនគាំទ្រសេចក្តីសម្រេចចិត្តអំពីជំងឺឆ្លង ដែលសហភាពអឺរ៉ុបលើកឡើងក្នុងមហាសន្និបាតសុខភាពពិភពលោក ដែលបង្ហាញសារសំខាន់នៃការលើកឡើងអំពី “ការពិនិត្យពិភាក្សាអន្តរជាតិដោយឯកតោភាគី”របស់អូស្ត្រាលី ៕